Выбары ў ТБК Літвы

У апошнюю суботу студзеня ў Таварыстве Беларускай Культуры Літвы адбылося чарговае мерапрыемства. Гэтым разам выбары новага складу Рады.

У апошнюю суботу студзеня ў Таварыстве Беларускай Культуры Літвы адбылося чарговае мерапрыемства. Гэтым разам выбары новага складу Рады.

Першай на мерапрыемстве выступіла госця з Мінска, намесніца старшыні ТБМ Алена Анісім. Яна распавяла аб дзейнасьці ТБМ, прэзентавала апошнія нумары газет "Наша слова" і "Новы час".

Наступным выступіў старшыня ТБК Хведар Нюнька. Ён распавёў аб дзейнасці ТБК за апошнія два гады. Зроблена  шмат: кожную апошнюю суботу месяца традыцыйна ў ТБК праводзілася мерапрыемства, адзначаліся гістарычныя даты, юбілеі пісьменнікаў, беларускіх дзеячаў.  Праводзілі  прэзентацыі фільмаў : "Журналісты" (рэжысёр Алег Дашкевіч), "Сэрца за кратамі" (рэжысёр Вольга Мікалайчык), "Тутэйшыя" (рэжысёр Таццяна Дубавец) і іншыя, трэба адзначыць, што згаданыя фільмы першы раз прэзентаваліся менавіта ў ТБК Літвы і толькі  пасля ў іншых месцах. Рэжысёр Вольга Мікалайчык зняла фільм і пра дзейнасьць ТБК "Беларускія справы". Таварыства за апошнія гады атрымала,нарэшце, плошчу для забудовы беларускага культурнага цэнтра ў Павільні, дзе жыла жонка Якуба Коласа -- вынік дваццацігадовай працы старшыні ТБК Хведара Нюнькі. Таварыства мае свой сайт - www.westki.info/tbk , зроблены чальцом рады Алесем Адамковічам. Таварыствам была праведзена ІУ канферэнцыя беларусаў Балтыйскага рэгіёну. Сябры таварыства прымалі  ўдзел у працы У З’езду беларусаў свету "Бацькаўшчына". Было арганізавана некалькі падарожжаў у Беларусь. Асабліва запомніліся сустрэчы з краяведамі  Адай Райчонак, Алесем Белакозам, Уладімірам Скрабатунам і іншымі. У сваім выступе старшыня закрануў і самую балючую тэму - стан беларускай мовы ў Беларусі. Асабліва хвалюе, што ў ВНУ  амаль не выкладаюцца дысцыпліны на роднай мове, скарачаецца беларускае школьніцтва.

Была зроблена справаздача фінансавай дзейнасці, затым адбыліся выбары ў Раду. Абраны  9 чальцоў: Алесь Адамковіч, Алесь Трусаў, Сяргей Карабач,  Хведар Нюнька, Васіль Акуневіч, Валера Радзюкевіч,Хрысціна Балаховіч, Ніна-Барбора Эванс, Вацлаў Гульбіновіч.

Старшынёй Рады адзінагалосна абраны сп.Хведар Нюнька.

Зноў прысутных парадаваў украінскі ансамбль"Сьвітліца". Гэтым разам песні гучалі ў гонар Зміцера Таўкачова, які ў гэты дзень адзначаў свой дзень народзінаў. Прагучалі  вершы Якуба Коласа ў выкананні Ксеніі Мілаш.

Пасля ўрачыстай часткі прысутныя яшчэ доўга не разыходзіліся, за кубкам гарбаты, вечарына працягвалася.

Паводле Леакадзіі Мілаш


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение