Прэзентацыя і абмеркаванне сітуацыі па правах чалавека ў Беларусі, Чачні ды Тыбеце адбыліся 10 снежня ў Вільні.
Прэзентацыя і абмеркаванне сітуацыі па правах чалавека ў Беларусі, Чачні ды Тыбеце адбыліся 10 снежня ў Вільні. Ініцыятарам мерапрыемства, прымеркаванага да Міжнароднага Дня правоў чалавека, выступіў “Цэнтр даследавання генацыду і рэзістэнцыі ў Літве” пры падтрымцы беларускай маладзёвай ініцыятывы “StudAlliance”, а таксама грамадскія арганізацыі, якія спачуваюць Тыбету, ды чачэнская грамада ў Літве.
Сітуацыю з правамі чалавека ў Беларусі прэзэнтаваў прадстаўнік Маладога Фронту ў Літве, каардынатар “StudAllince” Кірыл Атаманчык.
Беларускім бокам былі агучаны праблемы, звязаныя з парушэннямі беларускімі ўладамі заканадаўства, разгонамі мірных сходаў у Беларусі, рэпрэсіямі супраць грамадскіх арганізацый ды асобных людзей, у тым ліку сітуацыя, якая склалася вакол актывісткі Маладога Фронту Таццяны Шапуцькі. Падрыхтаваны адмысловы інфармацыйны стэнд, а таксама прадэманстраваныя відэа-ролікі, прысвечаныя сітуацыі ў Беларусі.
На мерапрыемстве прысутнічалі прадстаўнікі літоўскіх грамадскіх арганізацый, а таксама парламентары Сейму Літвы.
Інфармацыйныя стэнды Беларусі, Чачні ды Тыбету
Прэзентацыя відэа-сюжэтаў з Беларусі
Паводле інфармацыйнага цэнтру "StudAlliance"
