У дзень памяці продкаў сябры Беларускай Нацыянальнай Памяці па традыцыі сабралі беларусаў Варшавы, каб ушанаваць магілы славутых землякоў.
У дзень памяці продкаў сябры Беларускай Нацыянальнай Памяці па традыцыі сабралі беларусаў Варшавы, каб ушанаваць магілы славутых землякоў.
Шмат беларускіх дзеячаў знайшлі спачын на варшаўскіх праваслаўных могілках на Волі, таму найперш шлях быў скіраваны туды. Узгадалі ўдзельніка беларускага нацыянальна-вызвольнага руху Янку Жамойціна ды ігумена Мітрафана Будзьку. Запаліўшы знічы, беларуская грамада памалілася за ўсіх памерлых праваслаўных беларусаў, пахаваных у Польшчы.
месца пахаваньня Янкі Жамойціна
месца пахаваньня Мітрафана Будзькі
Пазней беларуская грамада скіравалася на Паванзкоўскія могілкі, дзе пахаваныя многія знакавыя для гісторыі Беларусі асобы, сярод якіх Марыя Ямант, Ян Булгак, Антон Пяткевіч (Адам Плуг), Тадэвуш Даленга-Мастовіч ды іншыя.
месца пахаваньня Яна Булгака
месца пахаваньня Антона Пяткевіча
Напрыканцы ўдзельнікі памаліліся за супакой душаў беларусаў-каталікоў, пахаваных на чужыне.
