Барыс Пятровіч
Леанід Дранько-Майсюк
У межах фестывалю адбыўся шэраг паэтычных сустрэч у гімназіях, ліцэях, школах і бібліятэках Вейцбарка, Семпульнага Краю і Быдгашчы з прэзентацыяй творчасці ўдзельнікаў фестывалю. Акрамя таго, падчас паэтычных спатканняў была арганізаваная дыскусія на тэму: “ Паэзія — узбочына ці цэнтр культурнага жыцця Еўропы”. Яркай падзеяй фестывалю сталі два аўтарскіх канцэрты, якія для ўдзельнікаў імпрэзы і яе гасцей даў паэт і бард Эдуард Акулін.
Эдуард Акулін
Па выніках фестывальных дзён выйшаў паэтычны альманах “Pobocza” з творамі яго ўдзельнікаў у перакладзе на польскую мову.
Галоўная задача фестывалю – аб’ядноўваць і ўзаемаўзбагачаць культурную прастору сучаснай Еўропы - была паспяхова выканана, дзякуючы велізарнай працы па арганізацыі і правядзенні форуму, якую каторы год ускладае на сябе “Краёвае культурнае таварыства” Вейцбарка і паэтычны квартальнік “Pobocza” ў асобах іх кіраўнікоў Адама Астроўскага і Паўла Шыдэля.
