Беларусы рэгіянальнай нацыянальна-культурнай  аўтаноміі  "Беларусы Югры" Ханты-Мансійскага аўтаномнага округа  РФ выступілі ў падтрымку  Рэспублікі Беларусь у пытаннях стварэння роўных умоваў для суб'ектаў гаспадарання  Беларусі і Расіі і практычнай рэалізацыі саюзных дамоўленасцяў. У знак сваёй пазіцыі група  бізнесменаў-беларусаў  Ханты-Мансійскага аўтаномнага округа праплыве на плыце па рэках Бярэзіна і Дняпро.

Агітпераход стартаваў  28 ліпеня, ён  будзе доўжыцца каля тыдня. Група з 8 чалавек  абрала маршрут  Парычы-Свектлагорск-Рэчыца-Бронная. Дэвіз агітперахода: "Саюзная дзяржава  - раўнапраўнае партнёрства". Падчас перахода плануецца праводзіць сустрэчы з мясцовым насельніцтвам, у тым ліку з кіраўніцтвам раёнаў і мясцовымі прадпрымальнікамі  на тэму пашырэння  канструктыўных кантактаў паміж рэгіёнамі. Пасля заканчэння  перахода яго удзельнікі плануюць абмеракаваць  пытанне стварэння і адкрыцця Беларускага гандлёвага дома ў Сургуце, каб беларуская прадукцыя магла наўпрост трапляць у Ханты-Мансійскі аўтаномны округ без усялякіх затрымак і радаваць пакупнікоў сваёй разнастайнасцю і якасцю, і такім чынам прыносіць суайчыннікам у Сібіры гонар  за родную Беларусь. "З прычыны пазіцыі расійскіх партнёраў да гэтай пары не вырашана  пытанне забеспячэння роўных умоў для суб'ектаў гаспадарання Беларусі і Расіі. Адным з нядаўніх прыкладаў стала абвастрэнне праблематыкі паставак беларускай малочнай і іншай прадукцыі ў рэгіёны Расіі. Любімыя прадукты высокай і гарантаванай беларускай якасці  зніклі з паліц і ў сібірскім рэгіёне, што не толькі ўшчаміла правы спажыўцоў […], але і закранула самалюбства беларусаў Югры, якія ганарыліся якасцю і шырокім выбарам брэндаў беларускага тавару  ў гандлёвых  дамах округа", - адзначаецца ў заяве "Беларусаў Югры". Паводле “БЕЛТА”