Выстава пад назвай "Беларуская маляванка" адчынілася у Цэнтры рускай культуры Таліна. На выставе прадстаўлены  малюнкі выхаванцаў Полацкай дзіцячай школы мастацтваў ."Працы выкананы ў стылі маляваных дываноў – аднаго з відаў маляванага мастацтва, якое атрымала назву "маляванка" і было шырока распаўсюджана ў Беларусі ў 30-50 гады мінулага стагоддзя. Праект, рэалізаваны пад кіраўніцтвам выкладчыкаў школы  Наталлі Анцімонавай і Дзмітрыя Свяцкага, з годнасцю працягвае традыцыі беларускай народнай творчасці", - расказвае  генеральны консул Беларусі ў эстонскай сталіцы Аляксандр Астроўскі.Раней выстава з вялікім поспехам праходзіла ў Нарвскай дзіцячай мастацкай школе. Паводле “БЕЛТА”