Беларуска Наста Манцэвіч перамагла на міжнародным слэме (фестывалі альтэрнатыўнай паэзіі) на Махнофэсце ва ўкраінскім горадзе Гуляйполе. Музычна-літаратурны фестываль "Дзень Незалежнасці з Махно" праходзіў 23-24 жніўня.25-гадовая Наста Манцэвіч (на здымку), якая, дарэчы, упершыню ўдзельнічала ў слэме, атрымала галоўны прыз - 300 грывен і дзве скрыні піва. Другое месца - у беларуса Сяргея Прылуцкага. У шасцёрцы пераможцаў таксама нашыя землякі Марыйка Мартысевіч і Віталь Рыжкоў.Паводле "Еўрапейскага радыё для Беларусі"