Беларуская школа чакае будучых вучняў

З 15 студзеня бягучага года латвійскія школы пачалі прымаць дакументы ад бацькоў будучых першакласнікаў. Апошні тэрмін падачы дакументаў – 1 красавіка. Чакаюць будучых вучняў і ў Рыжскай беларускай асноўнай школе. З гэтае нагоды – некалькі пытанняў да дырэктара Рыжскай беларускай асноўнай школы Ганны Іванэ.– Ці ёсць нейкія патрабаванні да будучых вучняў? Маецца на ўвазе, штосьці накшталт прыёмных экзаменаў...– Такая праверка недазваляецца законам. Таму, калі вашаму дзіцятку прыйшоў час ісці ў школу – а згодна закона “Аб агульнай адукацыі” у першы клас залічваюцца дзеці, якім у гэтым годзе споўнілася сем гадоў – калі ласка, да нас у школу!– А калі дзіцяці не ведае ні воднага беларускага слова...– Як раз для гэтага і існуе наша школа, каб навучыць дзяцей беларускай мове.І не толькі беларускай, але і латышскай, расейскай, ангельскай. Добра, калі будучы першакласнік займаўся ў падрыхтоўчай групе Тут для будучых нашых вучняў наладжаны заняткі па беларускай мове, а таксама яны знаёмяцца з латышскай і ангельскай мовамі, якія ў школе выкладаюцца ўжо з першага класа.– У такім выпадку, калі дзіця не наведвала падрыхтоўчую групу, вы можаце адмовіць яму ў прыёме...– Ну чаму ж, пакуль мы такіх абмежаванняў не прытрымліваемся.– А як наконт этнічнай прыналежнасці вучняў?– У нашай школе вучацца не толькі “пашпартныя беларусы”, але дзеці розных нацыянальнасцяў. У кагосьці бабуля – беларуска, а ўнучка – руская, але выбрала нашу беларускую школу. Шмат дзяцей са змешаных сем’яў. Галоўны крытэрый – цікавасць да беларускай культуры, мовы, традыцый – таго, што мы звыкла называем беларушчынай.– Для жыхароў Рыгі ёсць пэўнае абмежаванне выбару школы па месцу жыхарства...– Школаў нацыянальных меншасцяў, якой з’яўляецца і наша Рыжская беларуская асноўная школа, гэта абмежаванне не датычыцца.Таму , паважаныя бацькі, звяртаюся да Вас – калі Вас непакоіць будучыня дзяцей, падумайце аб магчымасці выбраць месцам навучання дзіцяці нашу школу.Рыжская Беларуская асноўная школы – дзяржаўная навучальная установа. Навучанне ў школе бясплатнае. У нас працуе моцны педагагічны калектыў, усе настаўнікі – спецыялісты з вышэйшай адукацыяй. Школа паспяхова прайшла дзяржаўную акрэдытацыю. Гэта той крытэрый, па якім можна меркаваць: у нашай школе дзіця атрымае належную адукацыю, пры гэтым вучыцца будзе ў добразычлівай атмасферы, бо для нас наша беларуская школа – гэта другая сям’я. Да таго ж раю паспяшацца, бо сёлета жадаючых аддаць сваё дзіця менавіта ў нашу школу не так і мала. І яшчэ, запрашаю Вас наведаць нашу школу ў наступным месяцы, калі ў школе будзе праводзіцца Дзень адчыненых дзвярэй, каб самім знайсці адказы на свае пытанні..Адрас Рыжскай беларускай асноўнай школы:Рыга, вул. Келдыша, 4Тэлефон для даведак: 7247545Інтэрв’ю з дырэктарам Рыжскай беларускай асноўнай школы Ганнай Іване слухайце ў студзеньскім выпуску нашай радыёперадачы. Праграма выходзіць у эфіры канала “Домская площадь” кожную трэцюю сераду месяца ў 14.15.Слухайце перадачу і ў інтэрнеце – www.lr4.latvijasradio.lvПаводле www.svitanak.lv

Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение