Вэрнісаж дзьвюх беларусак у Варшаўскім унівэрсытэце

Аўтарамі выставы „Колеры Турцыі” зьяўляюцца дзьве беларускі з Навагрудка: Тацьцяна і Анастасія Царук.

"Кот з каўчэга Ное"

У Варшаўскім унівэрсытэце ў Палацы Казімежоўскім па вуліцы Кракаўскае прадмесьце запрацаваў інтэрнацыянальны фотавэрнісаж „Колеры Турцыі”. Аўтарамі здымкаў зьяўляюцца дзьве беларускі з Навагрудка: адна зь іх - добра вам вядомая Тацьцяна Царук і яе дачка Анастасія. Два гады таму яны зайшлі ў інстытут Турэцкай культуры „Юнус Эмрэ” (Junus Emre) ў Варшаве і сказалі, што ў іх мноства здымкаў з Турцыі. У інстытуце ўбачылі, што здымкі цікавыя, якасныя, шматбакова паказваюць Турцыю, і вырашылі што фатаграфіі заслугоўваюць вэрнісажа. У падрыхтоўку уключыўся дырэктар інстытуту турэцкай культуры Junus Emre і выкладчык Варшаўскага унівэрсытэту Эстуркі Міралу.

Анастасія Царук (першая справа)

Эстуркі Міралу: Тут найбольш здымкаў, якія паказваюць Стамбул. Ёсьць таксама Кападокія, Ван (Wan) – гэта памежжа Турцыі. Паказаныя жыцьцё людзей у правінцыі Шанлыурфа (Sanliurfa). Ёсьць здымак з архэалягічнага музэя ў Шанлыурфе, дзе знаходзіцца першая ў гісторыі статуя чалавека натуральных памераў. Ёсьць кот унікальнай пароды Ван. Ён жыве толькі ў рэгіёне Ван. Кот характэрны тым, што ў яго адно вока зялёнае, а другое блакітнае. Людзі кажуць, што гэты кот патрапіў да нас з Ноева каўчэга.

Тацьцяна Царук-Фалевіч

Выстаўку „Колеры Турцыі” беларусак з Навагрудка: Тацьцяны і Анастасіі Царук у Варшаўскім унівэрсытэце можна наведаць да 15 сакавіка. Усе здымкі зьмешчаны ў альбоме, падрыхтаваным з нагоды вэрнісажу.

Яланта Сьмялоўская, “Польскае Радыё”


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение