Каляды ў беларускай вёсцы Аляксандраўск пад Іркуцкам

7 і 8 студзеня 2017 году актывісты Іркуцкага беларускага клуба “Крывічы” правялі выязное святочнае мерапрыемства: “Каляды-2017” у вёсцы Аляксандраўск Аларского раёна Іркуцкай вобласці.

Калядоўшчыкі

Сяло Аляксандраўск было створана ў 1901 годзе перасяленцамі з Беларусі. Да гэтага часу там можна знайсці жыхароў з дзіўнымі беларускімі прозвішчамі: Дударык, Цыбуля, Круповіч, Грыс ды інш.

Ёсць у гэтым сяле і свой фальклорны ансамбль “Крынічанька”, утвораны ў 1964 годзе, і Музей беларускага побыту, дзе сабраныя ўнікальныя прадметы першых пасяленцаў.

Гаспадары ў адной з хат

7 студзеня мы хадзілі па хатах мясцовых жыхароў з каляднымі песнямі, жартамі, карагодамі, варажбой, з Казой, Ваўком, Мядзьведзем і Варажбиткой – калядавалі. Сустракалі нас цёпла, ветліва, катэгарычна запрашалі за стол. Але мы здавольваліся толькі тым, што клалі ў мех да Механошы. У адным доме гаспадары апранулі беларускія кашулі сваіх продкаў, у іншым доме бабуля плакала ад радасці, што ўбачыла “сапраўдных” калядоўшчыкаў, як у гады яе маладосці.

Каза

8 студзеня ў клубе вёскі Аляксандраўск адбыўся канцэрт. Разам з намі выступалі мясцовы фальклорны ансамбль “Крынічанька”, а таксама творчыя калектывы і салісты з суседніх вёсак. Пры канцы мы ўручылі падарункі Ансамблю "Крынічанька" і дзіцячаму фальклорнага кружку “Туясок”, а самі атрымалі граматы!

Механоша і Воўк

Хачу падзякаваць актывістам Клуба “Крывічы” за згуртаванасць, творчасць і камандны дух! Дзякуй Волі Галанавай, Юлі Гайсінай, Яне Фадзеевай, Зіне Капуцкай, Дзянісу Таранушэнку, Вадзіму Таранушенку, Васілю Анісімаву, Дзіму Вараб’ёву, Валі Сіняўскай, Алесі Стасевіч!

Варажбітка

Наш творчы дэсант у чарговы раз паказаў важнасць захавання беларускай традыцыі!

Калядны карагод

Таксама мы дзякуем аляксандраўцам за сардэчны прыём.

Асаблівыя падзякі: дырэктару Дома культуры вёскі Аляксандраўск Ларысе Пятроўне Сітнікавай, кіраўніку дзіцячага фальклорнага гуртка "Туясок" Вітвіцкай Любові Мікалаеўне, кіраўніку паселішча Аляксандраўск Мялешчанцы Таццяне Уладзіміраўне!

Выступ гурта “Крынічанька”