Асацыяцыя беларусаў у Швайцарыі выступае з ініцыятывай усталяваць у г. Залатурн помнік Андрэю Тадэвушу Банавентуру Касцюшку.

Тадэвуш Касцюшка – прадстаўнік старажытнага беларускага роду Касцюшкаў, ваенны інжынер і ваенны дзеяч Рэчы Паспалітай, удзельнік барацьбы Рэчы Паспалітай супраць акупацыі Расіі і Прусіі, а таксама ўдзельнік вайны за незалежнасць ад брытанскай кароны калоній у Паўночнай Амерыцы.

Касцюшка нарадзіўся 4 лютага 1746 года ў маёнтку Мерачоўшчына, Слонімскі павет (Рэч Паспалітая), памёр 15 кастрычніка 1817 у горадзе Залатурн (Швейцарыя).

Яго называюць чалавекам выдатных здольнасцяў і настойлівасці. Аднымі з галоўных якасцяў яго характару вылучаюць волю і мэтнасць. Чалавек рэвалюцыйных поглядаў, ён імкнуўся спрыяць паляпшэнню становішча абяздоленых. Сялянаў, якія жылі на пакінутых яго землях у Польшчы, ён вызваліў, а ў сваім завяшчанні наказаў прадаць усю сваю нерухомую маёмасць і купіць на гэтыя грошы свабоду для чарнаскурых рабоў.

Памяць пра Тадэвуша Касцюшку шануецца па ўсім свеце: у Польшы (у Кракаве і ў Лодзі), у васьмі гарадах ЗША, у Менску і ў вёсцы Малыя Сяхновічы (Жабінкаўскі раён Брэсцкай вобласці).

У апошняй рэзідэнцыі Касцюшкі ў Залатурне размешчаны музей, прысвечаны яго жыццю і дзейнасці.

Асацыяцыя беларусаў у Швейцарыі просіць падтрымаць ініцыятыву ўсталявання помніка Касцюшку ў Залатурне.

Дата адкрыцця

Урачыстае адкрыццё помніка адбудзецца 15 кастрычніка 2017, у дзень 200-гадовай гадавіны са дня смерці дзеяча.

Тэхнічныя дадзеныя помніка

Статуя з бронзы вагай 250 кг. Вышыня статуі – 2 метра. Статуя будзе размешчана на мармуровай падлозе вышынёй 30 см. Побач з помнікам будуць усталяваны інфармацыйныя шыльды на трох мовах (беларускай, нямецкай і польскай).

Месца ўсталявання

Швайцарыя, г. Залатурн (CH-4500 Solothurn), стары горад (канкрэтнае месца ўдакладняецца).

Уладальнік помніку

Помнік будзе належыць гарадскому муніцыпалітэту г. Залатурн, які выдзяляе месца для помніку і супрацоўнічае ў пытаннях усталявання і арганізацыі ўрачыстага адкрыцця.

Кошт праекту

Прыкладны кошт праекту складае 9000 швэйцарскіх франкаў, у які ўваходзіць матэрыял, праца скульптара, транспарціроўка і падрыхтоўка суправаджальных дакумантаў, усталяванне статуі, а таксама выдаткі на ўрачыстае адкрыццё помніка.

Як падтрымаць

Падтрымаць ініцыятыву можна пераводам грашовых сродкаў на адпаведныя рахункі Асацыяцыі беларусаў у Швайцарыі:

Assoziation der WeissrussInnen in der Schweiz IBAN: CH10 0900 0000 6055 0578 2 (PostFinance) PayPal: info@belswiss.org

Кантактная інфармацыя

info@belswiss.org +41 78 666 70 90

Беларускае Радыё Рацыя