З 1 па 2 ліпеня ў Даўгаўпілсе прайшоў фестываль нацыянальных культур «Pynu, pynu sītu», арганізаваны Паўднёвалатгальскім цэнтрам падтрымкі недзяржаўных арганізацый.

1 ліпеня адбылося афіцыйнае адкрыццё фестывалю ў Палацы культуры, а ў суботу 2 ліпеня ў крэпасці беларускія калектывы з Дагды, Екабпілса, Прэйляў, Рэзэкнэ, Рыгі і Елгавы радавалі гасцей сваімі выступленнямі.

Калектывы Цэнтра беларускай культуры і таварыства «Уздым» «Купалінка» і «Лянок» выступілі ў гарадскім парку Дубровіна.

Вечарам адбылося святочнае шэсце па вуліцы Рыгас да плошчы Віенібас.

Свята завяршылася канцэртам фальклорнага ансамбля «Сунічкі» з Віцебскай вобласці.

На фестывалі прысутнічаў прэм’ер-міністр Латвіі Марыс Кучынскі.

Трэба падзякаваць артыстам за цудоўнае выступленне і вытрымку ў такую спёку.