Выставу беларускага сучаснага мастацтва ZBOR, якая праходзіла ў Кіеве, часопіс #viennacontemporary Magazine назваў адной з найлепшых ва Усходняй Еўропе.
Дакумэнтальныя фатаграфіі, відэапрацы, інсталяцыі, навуковыя нарысы, арыгінальныя творы мастакоў. Больш як 200 твораў. 25 гадоў жыцьця і разьвіцця беларускага мастацтва.
Арганізавалі выставу куратары Андрэй Дурэйка з Германіі і Максім Тымінько з Галандыі. Іх ведаюць як актыўных прамоўтэраў беларускага мастацтва ў замежжы.
Ініцыятарам жа выступіў фонд «Ізаляцыя. Плятформа культурных ініцыятываў». Слова яго каардынатарцы Таццяне Філеўскай:
![](/upload/sites/default/files/content/roznaie/32cd78a6_8ebb_4c94_bbc8_f80c5b5041c5_w113.jpg)
• У беларускім ZBORʼы прадстаўлена толькі сорак мастакоў, але іхныя працы даюць ключавыя аспекты для разумення таго, як развівалася беларускае мастацтва апошнія некалькі дзесяцігодзяў.
![](/upload/sites/default/files/content/roznaie/3a6017f9_9bca_44d7_8144_51ca17f82402_w640_s.jpg)
• Ва Украіне няма такога аналагу, каб збіралі такі адзіны, кансалідаваны архіў, у які ўваходзілі б працы мастакоў усіх кірункаў. У нас есьць спробы архіваваць бягучы працэс, але гэтая праца вядзецца раз'яднана і вельмі субʼектыўна. • Па выніках дыскусій зразумела, што беларускае мастацтва рухаецца ў бок абароны агульначалавечых каштоўнасцяў, да дэмакратычнага палілогу, а не маналогу, маючы крытычны погляд на саміх сябе і на сваё жыццё.
![](/upload/sites/default/files/content/roznaie/19b2d4ce_a890_42ab_ad32_49c48bf3cf52_w640_r1_s.jpg)
• Мне падаецца, што сучаснае беларускае мастацтва — пра свабоды, пра мноства поглядаў і магчымасці іх выказаць.
• Дарэчы, на адкрыццё выставы прыехалі ня толькі тыя мастакі, працы якіх выстаўляліся, — і гэтая салідарнасць нас проста ашаламіла!
![](/upload/sites/default/files/content/roznaie/8213c89a_bb29_4d97_ae0c_be8ff5b0df5f_w640_s.jpg)
• Выставу наведалі каля 1,5 тысячы чалавек, амаль усе былі ў поўным захапленні. Некаторыя вярталіся па некалькі разоў і не сыходзілі гадзінамі — казалі, што выстава вельмі насычаная і за адзін раз яе проста немагчыма поўнасцю праглядзець. Адных толькі відэапрацаў было на 2,5 гадзіны!
• Не абышлося без кур’ёзаў. Вельмі папулярным экспанатам была кніга «Азбука абсурду». Яе хтосьці скраў у першы ж дзень. Таму мы былі вымушаныя другі асобнік пачапіць на металічны ланцужок.
![](/upload/sites/default/files/content/roznaie/a0610a87_2909_4d44_a832_5072b6f23ee2_w640_s.jpg)
![](/upload/sites/default/files/content/roznaie/9487770c_3489_42d7_8706_fe0c520d8787_w640_s.jpg)
• Тая частка грамадства і мастакоў, з якімі мы маем зносіны, імкнецца да іншага развіцця Беларусі і, можа, нават крыху зайздросціць магчымасцям, якія ёсьць ва Украіне, нягледзячы на ўсе цяжкасці.
• Калі гаварыць пра колькасць інстытуцый, пляцовак, мастакоў, грантавыя магчымасці і фундацыі, якія існуюць ва Украіне ў галіне сучаснага мастацтва, — гэта пакуль, на жаль, недасягальна для Беларусі.
![](/upload/sites/default/files/content/roznaie/0bcf4559_0362_41f3_bdd3_879520460c34_w640_s.jpg)