Мiжнароднае грамадскае аб'яднанне

Васіль Быкаў - першы прэзідэнт Згуртавання беларусаў свету "Бацькаўшчына"

Учора, 19 чэрвеня, адзначаліся ўгодкі з дня нараджэння Васіля Быкава, вялікага беларускага пісьменніка і першага прэзідэнта Згуртавання беларусаў свету “Бацькаўшчына”.  22-га чэрвеня спаўняецца 10 гадоў з дня яго смерці…

Васіль Быкаў пахаваны на Усходніх могілках Мінска

 

У 1990-х гадах згуртавалася беларуская інтэлігенцыя дзеля стварэння арганізацыі, якая б кансалідавала беларусаў метраполіі і замежжа. Васіль Быкаў пагадзіўся ачоліць новастворанае Згуртаванне беларусаў свету “Бацькаўшчына” і стаў яго першым прэзідэнтам. Ён кіраваў Згуртаваннем да Першага з’езду беларусаў свету (1993 год).

Васіль Быкаў. Фота з Першага з'езду беларусаў свету, 1993 год

 

19 чэрвеня на радзіме Васіля Уладзіміравіча - у вёсцы Бычкі - адбылося традыцыйнае ўручэнне прэміі "За свабоду думкі", заснаванай у яго гонар. Сёлета журы, якое складалася з лаўрэатаў прэміі мінулых гадоў, узнагародзіла мастака Алеся Марачкіна і спевака Змітра Вайцюшкевіча.

Алесь Марачкін, в. Бычкі, 2013 год

 

Зміцер Вайцюшкевіч, в. Бычкі, 2013 год

 

 Зазначым, што Алесь Марачкін быў кіраўніком Згуртавання беларусаў свету “Бацькаўшчына” з 2005 па 2009 гады, цяпер уваходзіць у Вялікую Раду.

Алесь Марачкін - новаабраны кіраўнік МГА "ЗБС "Бацькаўшчына". 2005 год

 

Фота з уласнага архіву і "Беларускага Радыё Рацыя"

Падзяліцца:

Дапісаць новы камэнтар

Image CAPTCHA
Калі ласка, увядзіце сімвалы, якія паказаны на малюнку.