Павал Севярынец з турмы зьвярнуўся да вернікаў. Ягоны ліст зачытала жонка

«Я буду ягоным голасам», — кажа Вольга Севярынец у відэа, у якім чытае ліст Паўла Севярынца са сьледчага ізалятара нумар 1 Менску, што на вуліцы Валадарскага.


01-A399FA46-51AE-4C2F-94C6-4B8A5416DA6D_w1023_r1_s.jpg

Вольга Севярынец чакае мужа Паўла каля менскага ізалятара часовага ўтрыманьня на завулку Акрэсьціна. 22 ліпеня 2020 году.


У лісьце Павал Севярынец разважае, што такое народ, якая нацыянальная ідэя беларусаў, што ім патрэбна для адраджэньня і пераадоленьня цяперашняга пэрыяду несправядлівасьці і рэпрэсій, калі ў Беларусі адновіцца закон.



«Духоўны корань зла ў Беларусі — нераскаяны камунізм. Сёньняшнія нашы праблемы — гэта толькі лёгкі душок чырвонага пекла, якое 100 гадоў гарыць у нас пад нагамі. Пекла, у якім загінулі мільёны беларусаў. Падручнікі, помнікі, чырвоныя сьвяты... ды наогул уся кандовая, скляпаная скрываўленымі сярпамі і молатамі саўковая сыстэма. Немцы выракліся нацызму. Гэтаксама, усенародна, з пакаяньнем, мусім выракацца камунізму і мы», — перакананы Павал Севярынец.

svaboda.org