Дваццаць тры сябра Рады “Бацькаўшчыны” ўзнагароджаныя Медалём да стагоддзя БНР

24 снежня 2018 года старшыня Рады БНР Івонка Сурвілла падпісала дэкрэт аб узнагароджанні больш як 130 дзеячоў Медалём да стагоддзя БНР.

У нядаўнім інтэрв’ю для “Радыё Свабода” Івонка Сурвілла паведаміла, што поўныя спісы ўзнагароджаных юбілейнымі Медалямі да стагоддзя БНР не будуць апублікаваныя, у тым ліку і з патрэбаў бяспекі ў дачыненні да некаторых асобаў. Але нават у тым няпоўным спісе, які яна перадала журналістам, ёсць імёны дваццаці двух сябраў Рады “Бацькаўшчыны”:

кіраўніцы Згуртавання беларусаў свету “Бацькаўшчына” Алена Макоўская (Беларусь) і Ніна Шыдлоўская (Беларусь);
сябра Рады “Бацькаўшчыны” і прэзідэнт Згуртавання ў 1993–2001 гг. акадэмік Радзім Гарэцкі (Беларусь);
пісьменнікі Уладзімір Арлоў (Беларусь) і Вольга Іпатава (Беларусь);
прадстаяцель Беларускай аўтакефальнай праваслаўнай царквы Святаслаў Логін (Канада);
старшыня Вярхоўнага Савета 12-га склікання Станіслаў Шушкевіч (Беларусь);
дэпутаты Вярхоўнага Савета 12-га склікання Юры Беленькі (Беларусь), Валянцін Голубеў (Беларусь);
дэпутат Вярхоўнага Савета 12-га склікання, старшыня Таварыства беларускай мовы імя Францішка Скарыны ў 1999–2017 гг. і сябра Управы “Бацькаўшчыны” Алег Трусаў (Беларусь);
галоўны рэдактар штотыднёвіка “Літаратура і мастацтва” ў 1986–1990 гг. і дэпутат Вярхоўнага Савета 12-га склікання Анатоль Вярцінскі (Беларусь);
старшыня Таварыства беларускай мовы імя Францішка Скарыны Алена Анісім (Беларусь);
грамадскія дзеячы Павел Севярынец (Беларусь) і Алеся Кіпель (ЗША);
дзеячы беларускай дыяспары Янка Запруднік (ЗША), Валянціна Шаўчэнка (Канада) і Пётра Мурзёнак (Канада);
заснавальнік і дырэктар гуманітарнага ліцэя Уладзімір Колас (Беларусь);
мастак Мікола Купава (Беларусь);
медыя-менеджар і сябра Управы “Бацькаўшчыны” Ірына Віданава (Беларусь);
медыя-менеджар Аляксандр Старыкевіч (Беларусь);
гасторык Захар Шыбека (Ізраіль);
даследчык і гісторык Адам Мальдзіс (Беларусь);
даследчыца і гісторык, сябра Управы “Бацькаўшчыны” Наталля Гардзіенка (Беларусь).

Уручэньні медалёў будуць адбывацца цягам году.

Шчыра віншуем паплечнікаў і дзякуем за штодзённую працу, якую вы робіце на карысць Беларусі, такую вялікую, што яна заўважная не толькі ў Беларусі, але і па-за яе межамі!

Інфармацыйны цэнтр “МГА “ЗБС “Бацькаўшчына” паводле Сяргея Навумчыка, “Радыё Свабода”