У Маскве адкрыўся фэст “Дні беларускага слова” + фота

Двухдзённы міжнародны фэст "Дні беларускага слова" адкрыўся 21 красавіка ў Маскве. Гэтая творчая акцыя праводзіцца пад патранатам Згуртавання беларусаў свету “Бацькаўшчына”. Двухдзённы міжнародны фэст "Дні беларускага слова" адкрыўся 21 красавіка ў Маскве. Гэтая творчая акцыя праводзіцца пад патранатам Згуртавання беларусаў свету “Бацькаўшчына”.

У фэсце ўдзельнічаюць беларускія празаікі і паэты Альгерд Бахарэвіч, Адам Глобус, Вольга Гапеева, Віктар Жыбуль, Вера Бурлак і Аксана Спрынчан, а таксама літаратуразнаўцы і культуролагі Валянцін Акудовіч і Ірына Скарапанава. Яны бяруць удзел у літаратурных вечарынах і навуковых дыскусіях па праблемах сучасных літаратурных расійска-беларускіх сувязяў і перакладаў з беларускай мовы на рускую. Пераклады твораў беларускіх удзельнікаў фэсту запланавана апублікаваць на старонках шэрагу вядучых расійскіх літаратурных часопісаў.

"Дні беларускага слова" ладзяцца ў Маскве ўпершыню па ініцыятыве расійскіх інтэлектуалаў. Да правядзення творчай акцыі далучыліся Расійскі ПЭН-цэнтр, Дзяржаўны акадэмічны універсітэт гуманітарных навук, культурны цэнтр "Булгакаўскі дом", літаратурны салон "Класікі XXI стагоддзя" і часопіс "Современная поэзия".

Паводле слоў аднаго з арганізатараў беларускага свята ў Маскве, літаратара і выдаўца Зміцера Вішнёва, ўсе мерапрыемствы фэсту праводзяцца на пляцоўках арганізатараў творчай акцыі на беларускай і рускай мовах. Творы літаратараў, якія прадстаўляюць Беларусь, перакладзены на рускую мову, і на фэсце ўпершыню прагучаць іх арыгінальныя пераклады.

Фота з творчага вечара Адама Глобуса

Паводле  "БелаПАН"

Фота: ugolzreniia.livejournal.com


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение