Віншуем Алега Латышонка з узнагародай!

Сябра Згуртавання беларусаў свету “Бацькаўшчына”, старшыня Беларускага гістарычнага таварыства ў Польшчы, прафесар Алег Латышонак уганараваны Крыжом Свабоды і салідарнасці. Узнагароду прысудзіў прэзідэнт Польшчы Анджэй Дуда.

Пра гэта паведаміла “Беларускае Радыё Рацыя”.

Алег Латышонак з 1981 года быў чальцом падпольнага руху “Салідарнасць”, у 1982 годзе быу арыштаваны за сваю дзейнасць і правёў пад арыштам 8 месяцаў.

Управа Згуртавання беларусаў свету “Бацькаўшчына” сардэчна віншуе шаноўнага спадара Алега Латышонка з атрыманнем высокай узнагароды.

Шаноўны спадар Алег!

Згуртаванне Беларусаў свету “Бацькаўшчына” шчыра ганарыцца шматгадовай супрацай з Беларускім гістарычным таварыствам і з Вамі асабіста.

Вельмі радуе, што Ваша грамадская дзейнасць, Вашы мужнасць, трываласць і адданасць ідэалам свабоды і дэмакратыі былі заслужана адзначаныя на такім высокім узроўні.

Яшчэ раз віншуем з узнагародай і жадаем поспехаў ва ўсіх справах, творчага імпэту, аптымізму, жыццёвай трываласці, новых дасягненняў у грамадскай і прафесійнай дзейнасці!

Управа МГА “ЗБС “Бацькаўшчына”

Фота: Беларускае Радыё Рацыя


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение