Рассакрэчаныя архівы КДБ: ва Ўкраіне ў 1936-1938 гадах рэпрэсавалі больш за 2 тысячы беларусаў

Галіновы дзяржаўны архіў Службы бясьпекі Ўкраіны абнародаваў новыя дакумэнты аб маштабах палітычных рэпрэсій, якія адбываліся ў 30-я гады мінулага стагодзьдзя.

Згодна са справаздачай органаў НКВД УССР, на ўкраінскай тэрыторыі толькі ў пэрыяд з 1 кастрычніка 1936 году да 1 ліпеня 1938 году былі арыштаваныя больш як 253 тысячы грамадзян, у тым ліку 2 276 беларусаў.


02-CE73C0EA-C218-46BF-BDC2-D21D05F93A66_w1597_n_r0_s.jpg


Больш як 100 тысяч арыштаваных былі вызначаныя як былыя памешчыкі, дваране і гандляры, і больш як 95 тысяч — былыя кулакі. Адметна, што ўжо ў той пэрыяд пад рэпрэсіі траплялі і супрацоўнікі НКВД, чырвонаармейцы, камсамольцы і камуністы. 

Амаль палова ўсіх арыштаваных абвінавачваліся ў паўстанчай контрарэвалюцыйнай дзейнасьці (115 788 чалавек) і контрарэвалюцыйнай агітацыі (30 854 асобы). Яшчэ 25 132 чалавекі абвінавачваліся ў «польскім шпіянажы». Як сьведчаць справы, што захоўваюцца ва ўкраінскіх архівах, беларусаў найчасьцей абвінавачвалі якраз у «польскім шпіянажы» ці антысавецкай агітацыі. Найперш пад арышты ва Ўкраіне траплялі беларусы, якія нарадзіліся на той тэрыторыі, што да 1939 году знаходзілася ў складзе Польшчы, а пазьней была ўключаная ў склад БССР.


03-06CE32D9-1361-4B3B-86A5-FBB9C12B25EC_w1597_n_r0_s.jpg

04-4DB510EB-E8B6-46DD-BAFE-FC5CB83AE75E_w1597_n_r0_s.jpg


Сёньня ў Галіновым дзяржаўным архіве Службы бясьпекі Ўкраіны і яе рэгіянальных аддзяленьнях захоўваюцца справы амаль 2 тысяч рэпрэсаваных на ўкраінскай тэрыторыі беларусаў.

Алена Літвінава, “Радыё Свабода”



Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение