Міліцыянт, які прапусціў Канавалава ў метро, асуджаны на 3 гады

Пра лёс Віталя Рагачэўскага паведаміла Беларускае тэлебачанне ў фільме "Метро", прысвечаным тэракту ў мінскім метрапалітэне.

Асуджаны міліцыянт стаяў на ўваходзе на станцыю метро "Фрунзенская" 11 красавіка 2011 года. Побач з ім праходзіў Дзмітрый Канавалаў з сумкай, што можна ўбачыць на відэа з камер назірання, але міліцыянт нават не звярнуў на яго ўвагі. За гэта на міліцыянта пачалі асобную крымінальную справу. 1 лютага 2012 года яго асудзілі на 3 гады пазбаўлення волі. euroradio.fm