Прысуды за акцыю 25-га: Рахоўскі, Салдаценка — 7, Казакоў — 10 сутак

У судзе Цэнтральнага раёна Мінска прайшлі суды над удзельнікамі акцыі падтрымкі палітвязняў, што прайшла вечарам 25 кастрычніка на Кастрычніцкай плошчы Мінска.

Суд арыштаваў Алега Рахоўскага і Аляксандра Салдаценку на 7 сутак, былога палітвязня Сяргея Казакова — на 10 сутак.

Людзі ў цывільным, якія не прадстаўляліся і не паказвалі ніякіх дакументаў, перашкаджалі журналістам: яны забаранялі фатаграфаваць, рабіць відэа- і аўдыёзапісы. Людзі ў цывільным тлумачылі свае дзеянні загадам суддзяў.

Радыё Свабода