Гэта працуе: у першы дзень дзявятага месяца даляр пераваліў за 9000

Жарт наконт таго, што курс даляра ў Беларусі залежыць выключна ад нумара месяца, аказаўся прарочым. Менавіта 1 верасня курс продажу даляра на сайце Пракапові.ч перайшоў мяжу ў 9000 рублёў.

Дэвальвацыя беларускага рубля дасягнула 300% ад пачатку года.

Разам з тым, курс куплі яшчэ падцягваецца да гэтай адзнакі. З улікам гэтага можна меркаваць, што, сярэдні курс знаходзіцца на ўзроўні 8850-8900 рублёў.

Віленскія абменнікі працуюць з курсамі 8200-8300/9200-9640. Такім чынам, сярэдні курс і ў іх ушчыльную падабраўся да 8900-9000 рублёў.

Падзенне рубля аднавілася ад пачатку жніўня.

Старшыня Нацыянальнага банка Надзея Ермакова прызнала ў сераду, што курс рубля ўвосені ўстановіцца на ўзроўні, блізкім да 10 000: «Я не думаю, што курс скочыць у «завоблачнасць», — сказала яна, —

бо на чорным рынку ён цяпер сфармаваўся на ўзроўні 10 тысяч за долар і больш за 10 тысяч ён не вырасце.

Нацбанк спадзяецца выйсці на адзіны абменны курс цягам восені, прычым улады прызнаюць, што адзіны курс будзе блізкім да цяперашняга курса чорнага рынку.

"Наша Ніва"


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение