За акцыю на Кастрычніцкай плошчы кандыдатаў пазбавяць рэгістрацыі?

Пра такую верагоднасць Еўрарадыё паведаміў сакратар Цэнтравыбаркаму Мікалай Лазавік. Па яго словах, разглядаць такое парушэнне, магчыма, будуць і згодна з Крымінальным кодэксам:

Лазавік: "Гэта будзе парушэнне ня толькі выбарчага заканадаўства. Яно можа прывесці да самых сур’ёзных наступстваў – нават адмена рашэння аб рэгістрацыі. Калі такая падзея адбудзецца і да таго ж будуць нейкія негатыўныя наступствы для грамадзянаў, то адказнасць будзе не толькі па Выбарчым кодэксе, але і па Адміністрацыйным, а магчыма - і па Крымінальным". Нагадаем, апазіцыя хоча зладзіць 24 лістапада на Кастрычніцкай плошчы сустрэчу кандыдатаў у прэзідэнты з выбаршчыкамі.

"Еўрарадыё"