20 снежня — Уладзімір Арлоў запрашае на прэзентацыю

У «Акадэмкнізе» (пр. Незалежнасці, 72) пройдзе прэзентацыя пяцітомніка творцы і калядная аўтограф-сесія. 18:00.

Напярэдадні Калядаў у выдавецтве «Логвінаў» пабачыў свет пяцітомны збор выбраных твораў аднаго з найулюбёных пісьменнікаў сучаснай Беларусі — Уладзіміра Арлова.

Тут усё, што даспадобы сённяшняму беларускаму чытачу.

02--3ar94.jpg

Кніга выбранай эсэістыкі пачынаецца з легендарнага эсэ «Незалежнасць — гэта…», перакладзенага на 20 моваў свету.

Томік арлоўскай паэзіі — гэта выбраныя творы з пяці паэтычных кніг, уключаючы «Паром праз Ла-Манш» за якую аўтар атрымаў міжнародную прэмію «Еўрапейскі паэт свабоды».

Чытачу прапануецца і фірмовая гістарычная проза Арлова — аповесці «Сны імператара» і «Час чумы», апавяданні «Тры мужы спадарыні Дамінікі»,»Рандэву на манёўрах», «Каханак яе вялікасці»…

У збор твораў увайшлі містычная гісторыя кахання «Краявід з ментолавым пахам», антытаталітарны «Ордэн Белай мышы», антыкаланіяльная «Сібірская аповесць».

Не забытая ў пяцікніжжы, якое арыгінальна аформіла мастачка Кацярына Пікірэня, і проза апошніх гадоў — найноўшыя аповесці «Танцы над горадам» і «Дом з дамавікамі».

«Гэта самы цудоўны падарунак, які я калі-небудзь атрымліваў на Каляды, — кажа Уладзімір Арлоў. — Буду сустракаць святы ў атачэнні маіх кніг і маіх герояў. Могуць абраць гэтую кампанію і чытачы. Абяцаю, што будзе і цікава, і смешна, і страшна. Але толькі не сумна.»

Калядная аўтограф-сесія Уладзіміра Арлова адбудзецца ў сераду 20 снежня ў «Акадэмкнізе» (пр.Незалежнасці, 72). Пачатак а 18-й.

03-aychyna_uladzimir_arlou-gez2f.jpg

Чытачы змогуць атрымаць аўтограф таксама на кнізе Уладзіміра Арлова і Паўла Татарнікава «Айчына: маляўнічая гісторыя. Ад Рагнеды да Касцюшкі». У аўтограф-сесіі возьме ўдзел і П.Татарнікаў.

Паводле “Наша Ніва”


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение