У Занях і Шпаках пабудуюць каплічкі ў памяць загінулых

“Пабудуем каплічкі, дзе пахаваныя бязвінныя ахвяры пацыфікацыі вёсак Зань і Шпакі,” – кажа новы настаяцель парафіі ў Малешах айцец Марк Якімюк.

2 лютага ў 72-ю гадавіну пацыфікацыі вёсак аддзелам польскага ўзброенага падполля пад камандваннем Рамуальда Райса, псеўданім “Буры”, ля магілаў ў Занях і Шпаках айцец Марк адслужыць паніхіды. Паніхіда ў Занях а 9-й гадзіне. У Шпаках а 12-й гадзіне.

– Важна прыйсці сюды і памаліцца. А для мяне, як святара, перадусім захаваць памяць пра загінулых. Прыйдзе час, будзем мець свае іконы, будуць пакутнікі занеўскія, шпакоўскія, залешанскія. Калісьці так будзе і трэба ў гэта верыць.

2 лютага 1946 года аддзел Рамуальда Райса, псеўданім „Буры” спаліў Зані, Шпакі і Канцавізну. У гэты дзень ў Занях загінула 24 асобы, галоўным чынам жанчыны і дзеці, у Шпаках загіннула 7 чалавек. У 2005 годзе Інстытут нацыянальнай памяці ў Беластоку кваліфікаваў дзеянні Рамуальда Райса злачынствам з прыкметамі генацыду.

Валянціна Лаеўская, “Беларускае Радыё Рацыя”


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение