Купалле ў Нараўцы

Купальскія песні і абрады ў выкананні беларускага калектыву “Мілавіца” са Свіслачы маглі пачуць і ўбачыць удзельнікі Ночы Купалы – мерапрыемства, якое ладзіць войт гміны і Гмінны асяродак культуры ў Нараўцы ў мясцовым Амфітэатры.

“Паказалі абрад ачышчэння поясам,” – кажа кіраўнік вакальнай жаночай групы “Мілавіца” са Свіслачы Наталля Бубен:

– Мы заражалі паясы добрай энергіяй, каб падарыць людзям, каб ім шанцавала цэлы год. Мы паказалі дзеянні з вянком, патанцавалі, заспявалі, каб яго зарадзіць, а затым пусціць на ваду. У нас яшчэ ёсць абрад з агнём. Па вадзе плывуць нашыя вянкі. Нашае жаданне – сустрэць нарачоных.

Жыхары Нараўкі ды турысты пачулі беларускія песні таксама ў выкананні калектываў з Падляшша. Правялі і конкурс на самы прыгожы вянок ды пусканне па рацэ Нараўка, на беразе якой і пабудаваны Амфітэатр.

Ноч Купалы ў Нараўцы ладзіцца заўсёды ў дзень, калі Царква ўзгадвае святога Яна Хрысціцеля. 

Сёлета ў гэты ж дзень прайшло таксама Купалле ў Белавежы, свята ладзіцца Беларускім грамадска-культурным таварыствам.

Давід Гайко, “Беларускае Радыё Рацыя”


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение