«Каб ня думалі, што Беларусь — гэта Расея». У Празе беларусы выйшлі на пікет супраць інтэграцыі з Расеяй

8 сьнежня на Старамесцкай плошчы ў цэнтры Прагі на мітынгу супраць паглыбленай інтэграцыі з Расеяй сабралася каля 30 беларусаў і некалькі ўкраінцаў.

Арганізатарка пікету Кацярына Парыжаская, студэнтка аднаго з чэскіх унівэрсітэтаў, кажа, што выйшла перш за ўсё, каб падтрымаць людзей, якія пратэстуюць у Менску.


02-BBAAFC7C-7CD6-4E06-B1C2-281CD6A22F71_w1597_n_r0_st.jpg


«Нам, беларусам за мяжой, ня ўсё роўна, што адбываецца ў нашай краіне», — патлумачыла Парыжаская Свабодзе.


03-DE386E50-AC31-4312-B0F7-1FCD943FC448_w1597_n_r0_st.jpg


Украінкі Тацяна і Зіна кажуць, што ім важна падтрымаць беларусаў, бо яны ня хочуць, каб Расея забірала тэрыторыі незалежных краін.

«Ужо абрыдла тое, як сябе паводзіць Расея. Яна адняла Крым, адняла Данбас, а цяпер хоча адняць і Беларусь, — кажа Тацяна. — Я лічу, што трэба паказаць, што мы супраць гэтага, што мы хочам гэта спыніць. Як па мне, то гэтая падтрымка паміж краінамі вельмі важная».


04-EA8A06D6-9182-4ABA-9F07-C9C7ADC3EB52_w1597_n_r0_st.jpg


На плошчы, дзе сабраліся беларусы, шмат турыстаў. Яны падыходзяць, глядзяць і з цікавасьцю пытаюцца, чаму людзі выйшлі на пікет.

На мітынг прыйшлі беларусы рознага ўзросту, хапае моладзі.


05-5B50E441-E405-470A-ADD9-7738609B8D48_w1597_n_r0_st.jpg


Мы падыходзім да кампаніі маладых людзей. Гэта Ганна, два Сержукі і Аляксандар. Яны зьехалі зь Беларусі, каб атрымаць у Чэхіі вышэйшую адукацыю, але часта езьдзяць на бацькаўшчыну.

«Каб наша ўлада ведала, што мы існуем», — адказвае Аляксандар на пытаньне, чаму для яго важна было выйсьці на пікет.

«Калі ёсьць хоць нейкая магчымасьць нешта зрабіць, нават проста пастаяць і такім чынам выказацца, трэба ёй карыстацца», — дадае Ганна.


06-A3D2724A-8112-4C82-8B77-8817BFA0C61D_w1597_n_r0_st.jpg


Маладыя людзі дадаюць, што ў сьвеце шмат хто думае, што Беларусь — гэта частка Расеі.

«Мы хочам пастаяць тут, каб людзі зразумелі, што адбываецца паміж Беларусьсю і Расеяй. Яны паглядзяць, можа, штосьці пагугляць і будуць ведаць», — кажа Сяржук.

Акцыя беларусаў у Празе была дазволеная мясцовымі ўладамі.

НБ, svaboda.org