Навіны беларускага замежжа

30.07.2008
Kанферэнцыя "Бясстрашныя галасы: вязні сумлення гавораць" (ЗША)

24 ліпеня сябры Беларускага моладзевага руха Амерыкі прынялі ўдзел у канферэнцыі "Бясстрашныя галасы: вязні сумлення гавораць", якая адбылася ў штаб-кватэры ААН у Нью-Ёрку. З дакладам аб становішчы выступілі прадстаўнікі розных краін, у тым ліку Беларусі, Бірмы....

28.07.2008
У Дзень незалежнасці беларусы ўшанавалі магілу Алеся Гаруна ў Кракаве

27 ліпеня апоўдні прадстаўнікі ініцыятывы "Беларуская нацыянальная памяць" адведалі магілу Алеся Гаруна на Ракавецкіх могілках у Кракаве.Распавядае адзін з удзельнікаў акцыі Анатоль: "Алесь Гарун памёр 28 ліпеня 1920 г. 27-га мы выбраліся ў адведкі таму, што сёння - Дзень незалежнасці, а Алесь Гарун змагаўся за Беларусь, за сьцяг і за мову і памёр у 33 гады. Мы прыйшлі, прыбралі ягоную магілу, прынеслі кветкі, паставілі знічы, прачыталі некалькі ягоных вершаў і "Ойча наш". Паказалі, што мы памятаем, што яго справа працягваецца, і Беларусь будзе вольнай".

25.07.2008
Прэзідэнт Амерыкі настойвае на вызваленні Казуліна

Прэзідэнт ЗША даручыў амерыканскім дыпламатам у недэмакратычных краінах падтрымліваць рэгулярныя кантакты з апанентамі рэжыму. Пра гэта Джордж Буш паведаміў у прамове 24 ліпеня ў Вашынгтоне. Пры гэтым амерыканскі прэзідэнт згадаў палітвязня Аляксандра Казуліна, якога амаль 2,5 гады трымаюць у беларускай турме.

23.07.2008
У літоўскім сойме праходзіць канферэнцыя, прысвечаная выбарам у Беларусі

23 і 24 ліпеня ў Вільні ў літоўскім сойме праходзіць канферэнцыя, прысвечаная праблемам і выклікам, якія стаяць перад СМІ і грамадскімі арганізацыямі напярэдадні парламенцкіх выбараў.

У канферэнцыі прымаюць удзел праваабаронцы і журналісты з Беларусі, літоўскія парламентарыі і прадстаўнікі Літвы ў Савеце Еўропы, а таксама прадстаўнікі беларускай амбасады ў Літве. Усе прысутныя выказалі спадзяванне, што Беларусь калі-небудзь далучыцца да Еўрасаюза. Вось, што сказаў вядомы беларускі філосаф Алесь Анціпенка ў сваёй прамове:

23.07.2008
Дні беларускай культуры ў Вентспілсе (Латвія)

Пачатак ліпеня ў Вентспілсе прайшоў пад эгідай Дзён беларускай культуры, якія ўжо ў чацвёрты раз ладзіла вентспілскае беларускае таварыства "Спадчына" пры фінансавай падтрымцы Вентспілскай гарадской думы.
 
На гэты раз дэлегацыі ўдзельнікаў Дзён беларускай культуры ў Вентспілсе суправаджалі прадстаўнікі ўрада і адміністрацый самакіравання Рэспублікі  Беларусь.
 
 У пятніцу, 4 ліпеня, дзяржаўныя сцягі Беларусі луналі ля будынка Вентспілскай гарадской думы і ў Доме рам

21.07.2008
Мікола Сенька (1924-2008)

Жалобная вестка прыйшла з Лондана: 19 ліпеня там памёр адзін з ініцыятараў стварэння Згуртавання беларусаў Вялікай Брытаніі, ягоны актыўны сябар Мікола Сенька. Яму ішоў 85-ы год.Гасцінны дом Міколы Сенькі на Penn Road у Лондане ведалі многія беларусы, якія бывалі ў сталіцы Вялікай Брытаніі. Распавядае пісьменнік Уладзімер Арлоў:

21.07.2008
На “Басовішчы” перамаглі гарадзенскія музыкі

Лаўрэатам 19 фестывалю музыкі маладой Беларусі “Басовішча-2008” стаў гарадзенскі гурт TLUSTA LUSTA.Другі дзень фестываль пачаўся з выступу магілёўскага гурту “Заточка”. Магілёўцы выступалі ў пляжных строях, чаго дагэтуль не рабіў ніводзін гурт. Затым былі польскі “Gate”, мінскі “Rahis”, “Schody” з Міхалова, мінскі “Sок” ды “Rima” з Гарадка. Дарэчы, пасля выступу мінскага гурту шмат хто з гледачоў цікавіўся, дзе набыць іх кампакт-дыскі.

21.07.2008
Пайшоў з жыцця намеснік старшыні ТБК Літвы Валер Місюк

Таварыства беларускай культуры Літвы панесла вялікую і непапраўную страту. Увечары 19 ліпеня ў Беларусі на Мядзельшчыне трагічна загінуў намеснік старшыні ТБК Валер Місюк.

Лепшаму сябру Таварыства споўніўся 31 год. На працягу дзесяці гадоў магістар Валер Місюк быў узорам парадачнасці, сумленнасці і беларускасці.

Схіляем галовы перад ЯГО памяццю. Рада ТБК Літвы

 

21.07.2008
Дзень салідарнасці (Украіна)

16 ліпеня ў сталіцы Украіны прайшла акцыя салідарнасці з ахвярамі палітычных рэпрэсій у Беларусі. У ёй удзельнічалі актывісты грамадзянскай кампаніі «Еўрапейская Беларусь» і жыхары Кіева.

21.07.2008
Лондан заклікае вызваліць палітвязняў

У брытанскім парламенце адбыліся дэбаты па сітуацыі ў Беларусі. Брытанскі ўрад заклікае Беларусь вызваліць усіх палітычных вязняў і правесці свабодныя і справядлівыя выбары. Таксама брытанскі бок вітае запрашэнне місіі АБСЭ для назірання за выбарамі. У выпадку істотнага і незваротнага прагрэсу ў гэтых пытаннях Еўразвяз гатовы прапанаваць Беларусі паўнавартаснае супрацоўніцтва.

17.07.2008
Мітынг у падтрымку затрыманым (Расія)

Мітынг адбыўся сёння каля беларускай амбасады ў Маскве. У ім удзельнічалі 10 чалавек, актывістаў рухаў "Смена" і "Оборона". Яны выказалі падтрымку затрыманым па падазрэнні ў датычнасці да выбуху ў Мінску.

Удзельнікі акцыі скандавалі: "Беларусь не слышит нас! Лукашенко, ты не прав!", трымалі плакаты з заклікамі вызваліць палітзняволеных.

Паводле "Еўрапейскага радыё для Беларусі"

17.07.2008
У Краснаярску адкрылася Нацыянальная выстава Беларусі (Расія)

Афіцынае адкрыццё адбылося сёння, 17 лістапада. Удзельнікамі выставы сталі каля сотні прадпрыемстваў і арганізацый розных галінаў прамысловасці, а таксама ўстановы адукацыі і навукі і Міністэрства інфармацыі Беларусі.

17.07.2008
Дзень салідарнасці (Нідэрланды)

16 ліпеня ў сталіцы каралеўства Нідэрландаў Гааге прайшоў дзень Салідарнасці з ахвярамі таталітарнага рэжыму ў Беларусі.Арганізатарамі акцыі выступіла грамадзянская ініцыятыва "Мы памятаем". На акцыі прысутнічалі і прадстаўнікі нідэрландскай студэнцкай ініцыятывы «Mission to Minsk».