Навіны беларускага замежжа

12.08.2008
Свяце славянскай культуры i пiсьменнасцi (Латвія)

Пра Сімяона Полацкага – святога, знакамiтага асветнiка, паэта, перакладчыка распавядала «Мара» на свяце славянскай культуры i пiсьменнасцi, якое адбылося ў Лiепаi ў канцы лiпеня. Яго праводзiць вось ужо трэцi год запар Лiепайскi саюз украiнцаў «Родина» («Сям’я»). Ён сабраў у вялiкай зале Дома латышскага таварыства актывiстаў нацыянальна-культурных суполак горада – беларусаў, рускiх i палякаў, а таксама ўсiх лiепайчан, каго цiкавяць вытокi славянскай культуры.

08.08.2008
А. Сідарэвіч: Трэба збіраць грошы на помнік М. Абрамчыка

 Гісторык і палітык Анатоль Сідарэвіч лічыць, што трэба распачаць акцыю збору грошай на пабудову помніка прэзідэнту Беларускай Народнай Рэспублікі (старшыні Рады БНР у выгнанні) Міколу Абрамчыку (1903 - 1970). Нагадаем, яго магілу, якая лічылася згубленай, днямі адшукалі ў Парыжы на могілках Pere-Lachaise актывісты ініцыятывы "Беларуская Нацыянальная Памяць".

08.08.2008
Знойдзена магіла кіраўніка Рады БНР Міколы Абрамчыка

  Сябры БНП з розных краінаў Еўропы запланавалі ўлетку даследваць забытыя месцы, якія звязаныя з беларусамі. Экспедыцыя пройдзе па Францыі, Швайцарыі, паўднёвых землях Нямеччыны - Баварыі і Бадэн-Вюртэмбэргу.Стартавала экспедыцыя ў Парыжы, сталіцы Францыі. Доўгі час БНП хвалявала праблема вызначэння дакладнага месца пахавання кіраўніка Рады Беларускай Народнай Рэспублікі Міколы Абрамчыка. Прэзідэнт Рады БНР з 1948 да 1970 гг. пасьля сваёй смерці быў пахаваны на могілках Pere-Lachaise.

07.08.2008
Чаму беларусы з'яджаюць з краіны

Што прымушае людзей эміграваць з Беларусі: палітычны ціск ці эканамічныя праблемы? 

Шэраг тэмаў па гэтым пытанні ў апошнія дні былі закрануты на старонках беларскага Інтэрнэта, сярод якіх мы раім праглядзець:

Па што беларусы едуць за мяжу? 

Моладзевыя актывісты шукаюць прытулку ў Эстоніі і Літве

Выяжджаць ці не выяжджаць? 

07.08.2008
ЗША маюць намер захаваць санкцыі супраць беларускага рэжыма

Злучаныя Штаты Амерыкі не маюць намеру адмяняць эканамічныя санкцыі ў адносінах беларускіх прадпрыемстваў, калі на волю не выйдуць палітычныя зняволеныя Аляксандр Казулін, Сяргей Парсюкевіч і Андрэй Кім. Аб гэтым на прэс-канферэнцыі ў Менску заявіў Часовы Павераны ў справах ЗША ў Беларусі Джонатан Мур.

07.08.2008
Зянон Пазняк: "Сістэмнае разбурэнне мовы"

У 30-х гадах, пад расейска-савецкай акупацыяй, нішчэньне правапісу беларускай мовы адбывалася пад гукі рэвальвернай кананады ў Курапатах, у лясах пад Магілёвам ды пад Менскам, у Сьляпянцы да Лошыцы, у двары Вялейскай турмы, ды казематах Берасьцейскай крэпасьці. Таму аб акупацыйным правапісе не дыскутавалі (маглі расстраляць). Адны перасталі пісаць па-беларуску, другія пагадзіліся на “тапор”, “карандаш”, “акцябрскую рэвалюцыю” і іншую лексіку. Разьвіцьцё афіцыйнай, дзелавой ды й літаратурнай беларускай мовы было спынена.

06.08.2008
Маладыя паэты прэтэндуюць на міжнародную прэмію

Чацвёра беларускіх маладых паэтаў прэтэндуюць на міжнародную прэмію "Садружнасць дэбютаў". Гэта - Цімур Каляеў, Рагнед Малахоўскі, Янка Лайкоў і Аксана Спрынчан. Адзначым, што міжнародная прэмія была заснаваная сёлета Саветам па гуманітарным супрацоўніцтве Садружнасці незалежных дзяржаў і Міжнародным фондам гуманітарнага супрацоўніцтва дзяржаў-удзельніц СНД. У спіс прэтэндэнтаў уключаныя 33 аўтары ва ўзросце да 35 гадоў з 10 краін. Пераможцы і лаўрэаты стануць вядомыя ў верасні, інфармуе БЕЛТА.

Паводле "Белта" 

05.08.2008
Мiжнародны фальклорны фестываль (Расія)

Усе ведаюць пра гучны конкурс "Еўрабачанне", якi заснаваў Еўрапейскi вяшчальны саюз. Але ўжо 29 гадоў гэтая арганiзацыя праводзiць штогод буйны Мiжнародны фальклорны фестываль, не менш цiкавы i значны для музыкi. Іншая рэч, што вакол яго няма штучнай шумiхi — сапраўдная старадаўняя музыка пазбегла розных танных упрыгожанняў, якiя дыктуе час. Цяпер зразумела, пра што гавораць: часу непадуладныя сапраўдныя каштоўнасцi.

04.08.2008
Бел-чырвона-белы сцяг лунаў на "Еўра-прайдзе"

2 жніўня ў Стакгольме завяршыўся "Еўра-прайд" – фестываль прадстаўнікоў нетрадыцыйнай сексуальнай арыентацыі. Сярод сцягоў іншых краінаў, якія луналі ў Стакгольме, быў і бел-чырвона-белы сцяг, прывезены беларускімі ўдзельнікамі фестывалю.

30.07.2008
Моладзь адпачывала на р. Дэлавэр (ЗША)

19 ліпеня 2008  года, сябрамі "Беларускага маладзёвага руху Амерыкі" быў наладжаны адпачынак на р. Дэлавер. Хваляванняў было шмат, але, дзякуючы Богу, усе праблемы былі вырашаны. Пашанцавала з надвор’ем, сабралася група 20 чалавек: гэта сябры маладзёвай арганізацыі і парахвіяне Катэдральнага Сабору Сьвятога Кірылы Тураўскага, была моладзь і з другіх штатаў, узрост ад 5 гадоў да 65.

30.07.2008
Kанферэнцыя "Бясстрашныя галасы: вязні сумлення гавораць" (ЗША)

24 ліпеня сябры Беларускага моладзевага руха Амерыкі прынялі ўдзел у канферэнцыі "Бясстрашныя галасы: вязні сумлення гавораць", якая адбылася ў штаб-кватэры ААН у Нью-Ёрку. З дакладам аб становішчы выступілі прадстаўнікі розных краін, у тым ліку Беларусі, Бірмы....

28.07.2008
У Дзень незалежнасці беларусы ўшанавалі магілу Алеся Гаруна ў Кракаве

27 ліпеня апоўдні прадстаўнікі ініцыятывы "Беларуская нацыянальная памяць" адведалі магілу Алеся Гаруна на Ракавецкіх могілках у Кракаве.Распавядае адзін з удзельнікаў акцыі Анатоль: "Алесь Гарун памёр 28 ліпеня 1920 г. 27-га мы выбраліся ў адведкі таму, што сёння - Дзень незалежнасці, а Алесь Гарун змагаўся за Беларусь, за сьцяг і за мову і памёр у 33 гады. Мы прыйшлі, прыбралі ягоную магілу, прынеслі кветкі, паставілі знічы, прачыталі некалькі ягоных вершаў і "Ойча наш". Паказалі, што мы памятаем, што яго справа працягваецца, і Беларусь будзе вольнай".

25.07.2008
Прэзідэнт Амерыкі настойвае на вызваленні Казуліна

Прэзідэнт ЗША даручыў амерыканскім дыпламатам у недэмакратычных краінах падтрымліваць рэгулярныя кантакты з апанентамі рэжыму. Пра гэта Джордж Буш паведаміў у прамове 24 ліпеня ў Вашынгтоне. Пры гэтым амерыканскі прэзідэнт згадаў палітвязня Аляксандра Казуліна, якога амаль 2,5 гады трымаюць у беларускай турме.

23.07.2008
У літоўскім сойме праходзіць канферэнцыя, прысвечаная выбарам у Беларусі

23 і 24 ліпеня ў Вільні ў літоўскім сойме праходзіць канферэнцыя, прысвечаная праблемам і выклікам, якія стаяць перад СМІ і грамадскімі арганізацыямі напярэдадні парламенцкіх выбараў.

У канферэнцыі прымаюць удзел праваабаронцы і журналісты з Беларусі, літоўскія парламентарыі і прадстаўнікі Літвы ў Савеце Еўропы, а таксама прадстаўнікі беларускай амбасады ў Літве. Усе прысутныя выказалі спадзяванне, што Беларусь калі-небудзь далучыцца да Еўрасаюза. Вось, што сказаў вядомы беларускі філосаф Алесь Анціпенка ў сваёй прамове:

23.07.2008
Дні беларускай культуры ў Вентспілсе (Латвія)

Пачатак ліпеня ў Вентспілсе прайшоў пад эгідай Дзён беларускай культуры, якія ўжо ў чацвёрты раз ладзіла вентспілскае беларускае таварыства "Спадчына" пры фінансавай падтрымцы Вентспілскай гарадской думы.
 
На гэты раз дэлегацыі ўдзельнікаў Дзён беларускай культуры ў Вентспілсе суправаджалі прадстаўнікі ўрада і адміністрацый самакіравання Рэспублікі  Беларусь.
 
 У пятніцу, 4 ліпеня, дзяржаўныя сцягі Беларусі луналі ля будынка Вентспілскай гарадской думы і ў Доме рам


Вынікі пошуку 4369 - 4384 з 4566
Пачатак | Папярэдняя | 272 273 274 275 276 | Наступная | Апошняя