Навіны беларускага замежжа

07.05.2008
Латышонак і Вапа атрымалі высокія ўзнагароды

Кавалерскі крыж Ордэна Адраджэння Польшчы атрымалі прадстаўнікі Беларускай меншасці ў Польшчы.Гэта гісторык Алег Латышонак і старшыня Беларускага саюза ў Польшчы Яўген Вапа. На ўрачыстасці ў Варшаве гэтыя ўзнагароды ім уручыў польскі прэзідэнт Лех Качынскі.Беларусы былі адзінай нацыянальнай меншасцю ў Польшчы, якая мела сваё падполле і ў 80-я гады мінулага стагоддзя ўдзельнічала ў змаганні за дэмакратыю.Паводле сайта “За свабоду!”

07.05.2008
Польскія вучні здаюць выпускны іспыт па беларускай мове

6 траўня другі дзень выпускных экзаменаў у Польшчы. Вучні апошніх класаў здаюць пісьмовыя іспыты па замежнай мове. Між тым амаль 300 абітурыентаў ліцэяў з беларускай мовай навучання ў Бельску Падляскім і Гайнаўцы замест гэтага здаюць вусны іспыт па беларускай мове. Пісьмовы экзамен па роднай мове яны будуць здаваць пазней, 21 траўня. Ад дадзенага абавязку звольнены фіналісты і лаўрэаты алімпіяды па беларускай мове, якія закончылі навучанне з найвышэйшай адзнакай – 6. У бельскім ліцэі такіх выпускнікоў 12, а ў гайнаўскім – 8.

07.05.2008
ЗША: Беларускія ўлады баяцца ўласнага народу

Адміністрацыя прэзідэнта ЗША абвяргае паведамленні пра амерыканскую шпіёнскую сетку ў Беларусі.“Яны знаходзяць любыя апраўданні, спрабуючы адвярнуць увагу ад таго, што з’яўляецца сапраўднай праблемай” – заявіў намеснік прэс-сакратара Дзярждэпартаменту ЗША Том Кэйсі. – Гэтыя абвінавачанні, ці то новыя, ці старыя, з’яўляюцца хлуслівымі і беспадстаўнымі. Яны ўяўляюць сабой вельмі нязначную нагоду для скарачэння нашага персаналу”.

07.05.2008
Святкаванне 25 сакавіка ў беларускіх асяродках

Мельбурн (Аўстралія)Гэтым разам у нас у Мельбурне атрымалася малая трагедыя: настаяцель, які абслугоўвае нашу царкву, а. Іван у суботу моцна захварэў і ў нядзелю 30 сакавіка быў ня ў стане служыць св. Літургію і малебен за беларускі народ. Дамовіліся не адкладаць урачыстасць, прысвечаную 90-м угодкам абвешчання незалежнасці БНР, і выконваць праграму святкавання, якая была разасланая запрошаным за два тыдні да запланаванай ўрачыстасці.

05.05.2008
Рэха Чарнобылю

На 22 гадавіну трагедыі ды ўшанаванне ахвяраў і пацярпелых ад Чарнобыльскай катастрофы, 30 красавіка ў Цэнтральна-Еўрапейскім універсітэце (Будапешт) быў зладжаны паказ двух фільмаў.Забруджанае Жыццё (Contaminated life)Фільм Давіда Дэсраме (David Desrame) і Дамініка Маэстралі (Dominique Maestrali). Францыя-Беларусь, 2001, Мова: англійская, беларуская, руская.

11.04.2008
Расія аднавілі мяжу

На беларуска-расійскай мяжы аднавілася афармленне часовага ўвозу легкавых аўтамабіляў для грамадзян Беларусі. За дакументы трэба плаціць грошы.Ад учорашняга дня расійскія мытнікі бяруць плату за рэгістрацыю дакументаў з беларусаў, якія кіруюцца ў Расію. У сувязі з гэтым прастоі ў чэргах на беларуска-расійскай мяжы складаюць 3—4 гадзіны.

10.04.2008
У штаб-кватэры ЮНЕСКА прызналі дасье на архітэктурныя помнікі Полацка

Полацкі гісторыка-культурны музей-запаведнік атрымаў ліст са штаб-кватэры ЮНЕСКА, у якім пацверджана, што дасье “Матэрыяльнае ўвасабленне духоўнай спадчыны Ефрасінні Полацкай” на архітэктурныя помнікі найстаражытнейшага горада Беларусі паспяхова прайшло тэхнічную экспертызу і гатовае дзеля падавання на ўнясенне ў Спіс культурнай і прыроднай спадчыны.Шанец трапіць у пачэсны шэраг найбольш вядомых аб’ектаў свету атрымалі Спаса-Прэабражэнская царква Спаса-Ефрасіннеўскага манастыра, Сафійскі сабор і тэрыторыі, з якімі звязанае імя вялікай асветніцы.

09.04.2008
За тыдзень дакументы на “Карту паляка” ў Мінску падалі 30 чалавек

Патэнцыйна на Карту ў Беларусі могуць прэтэндаваць 250 тысяч грамадзян.Амбасада Польшчы ў Мінску пачала прыём дакументаў на “Карту паляка” 31 сакавіка. За мінулы тыдзень ужо больш за 30 чалавек падалі дакументы, а 150 – звярнуліся па кансультацыю.Учора намеснік дырэктара Консульскага дэпартаменту Міністэрства замежных спраў Польшчы Войцэх Тычынскі паведаміў, што ў Беларусі агулам каля 250 тысяч грамадзян патэнцыйна могуць прэтэндаваць на атрыманне “Карты паляка”.

08.04.2008
Рэканструкцыя ў Саборы Св. Кірылы Тураўскага ў Нью-Ёрку

5 красавіка, у Саборы Св. Кірылы Тураўскага ў Нью-Ёрку пачалася праца па добраўпарадкаванню царквы. Была праведзена праца па падрыхтоўцы падлогі пад новае пакрыццё.

07.04.2008
Барыс Кіт адзначыў свой 98-мы дзень нараджэння

6 красавіка беларускі асветнік і ўсясветна вядомы навуковец Барыс Кіт атрымлівае з усяго свету віншаванні з 98-ым днём нараджэння.У 1930 – 40-х гадах Барыс Кіт працаваў для беларускай адукацыі на роднай Навагрудчыне і Віленшчыне, ў Віленскай беларускай гімназіі быў выкладчыкам і дырэктарам. Ён дапамагаў атрымаць асвету многім вясковым беларусам, ратаваў моладзь ад вывазу на прымусовыя працы ў час гітлераўскай акупацыі, калі ачольваў семінарыю і школу ў Паставах і Маладзечна.

07.04.2008
Да сумеснага праекту адукацыйных устаноў Гомеля і Масквы далучыцца Бранск

Рэалізацыяй сумеснага культурна-азнаямляльнага праекту “Разам па Беларусі” займаюцца адукацыйныя установы Гомеля і Масквы. Ініцыятыва праекту належыць Гомельскаму абласному палацу творчасці дзяцей і моладзі “Юнацтва”, паведамілі БелТА ва ўстанове пазашкольнага выхавання і адукацыі.Асноўная мэта праекту – папулярызацыя нацыянальных традыцый, беларускай гісторыі і культуры, дыскусіі сярод вучняў рэгіёнаў Беларусі і Расеі. Плануецца правядзенне сумесных экскурсій па памятных месцах Беларусі, трэнінг і заняткі.

07.04.2008
Украінцы моляцца за Беларусь

На працягу апошняга тыдня ва ўкраінскіх Евангельскіх цэрквах прайшлі богаслужбы, у часе якіх вернікі маліліся за Беларусь. У цэнтры ўвагі ўкраінскага Хрысціянскага руху аказалася сітуацыя са свабодай веравызнання ў Беларусі, а таксама з царквой “Новае Жыццё” і яе пастарам Вячаславам Ганчарэнкам, – паведамляе прэсавая служба аргкамітэта па стварэнні “Беларускай Хрысціянскай Дэмакратыі”.

04.04.2008
У Вільні прайшла акцыя салідарнасці з беларускімі палітзняволенымі

Каля амбасады Беларусі ў Вільні 2 красавіка прайшла акцыя салідарнасці з беларускімі палітзняволенымі і дэмакратычнымі СМІ.У ёй прынялі ўдзел актывісты “Маладых дэмакратаў”, АГП і кампаніі “За свабоднае развіццё прадпрымальніцтва”.9 чалавек сталі з партрэтамі Аляксандра Казуліна, Андрэя Кіма, Віктара Калея, Зміцера Дашкевіча і Артута Фінкевіча. Удзельнікі пікета трымалі таксама на беларускай і літоўскай мовах – “Свабоду палітзняволеным!”, “Рукі прэч ад СМІ!” і “Свабоду прэсе!”.Паводле сайта “Мы памятаем”

04.04.2008
Дзень Волі ў Познані

Познаньскія беларусы ўрачыста адсвяткавалі 90-годдзе БНР. З гэтай нагоды адбылася лекцыя па гісторыі Беларускай Народнай Рэспублікі.

04.04.2008
Візіт беларускай моладзі ў Кангрэс ЗША

25 сакавіка ў дзень 90-годдзя Беларускай Народнай Рэспублікі сябры Згуртавання Беларускай Моладзі ў Амерыцы наведалі амерыканскі Кангрэс. Адбыліся сустрэчы, падчас якіх беларусы інфармавалі кангрэсменаў (непасрэдна і праз іх прадстаўнікоў) аб сітуацыі з правамі чалавека на Беларусі, закраналіся пытанні небяспекі беларускаму суверэнітэту з боку Расеі.

04.04.2008
Журналісты Любліна супраць абмежавання свабоды слова ў Беларусі

У знак пратэсту супраць абмежавання свабоды слова ў Беларусі люблінскія журналістыпрайшлі галоўнымі вуліцамі горада з заклеенымі стужкай вуснамі. У руках трымалі сімвал незалежнай Беларусі – бел-чырвона-белы сцяг. Такім чынам прадстаўнікі люблінскіхСМІ адрэагавалі на нядаўнюю атаку на незалежных журналістаў у Беларусі.


Вынікі пошуку 4321 - 4336 з 4405
Пачатак | Папярэдняя | 269 270 271 272 273 | Наступная | Апошняя