Бяляцкі намінаваны на прэмію «Індэкса цэнзуры»

Паведамленне пра гэта з'явілася на сайце брытанскай арганізацыі Index on Censorship («Індэкс цэнзуры»).

«Алесь Бяляцкі з'яўляецца выбітным праваабаронцам, які прысвяціў сваё жыццё дапамозе ахвярам парушэнняў правоў чалавека ў Беларусі», — гаворыцца ў паведамленні арганізацыі.

Штогадовая прэмія «Індэкса цэнзуры» сёлета будзе ўручацца 13-ы раз, лаўрэаты будуць уганараваныя ў намінацыях «Журналістыка», «Лічбавая свабода», «Мастацтва» і «Адстойваньне пазіцыі». Прэтэндэнтам на прэмію менавіта ў апошняй намінацыі з'яўляецца беларускі праваабаронца. Разам з Алесем Бяляцкім на ўзнагароду сёлета прэтэндуюць 15-гадовая барацьбітка за права на адукацыю Малала Юсафзай з Пакістану, моладзевы рух Girifna з Судану і брытанская ініцыятыва Hillsborough Family Support Group.

«Сёлетнія намінанты — гэта людзі, якія праявілі надзвычайную мужнасьць у выказваньні сваіх поглядаў, барацьбе з цэнзурай і несправядлівасцю, шмат хто з іх робіць гэта ў вельмі скаладаных умовах», — адзначыла выканаўчы дырэктар «Індэкса цэнзуры» Кірсці Х’юз.

Лаўрэаты прэміі будуць вызначаныя на гэтым тыдні. Уганараванне адбудзецца ў Лондане 21 сакавіка.

Index on Censorship — міжнародная арганізацыя са штаб-кватэрай у Лондане, мэтай якой з'яўляецца падтрымка свабоды выказвання. Арганізацыя актыўна сочыць за сітуацыяй у Беларусі.

svaboda.org


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение