"Басовішча" можа спадзявацца толькі на "Дапамогу"?

Толькі адна прапанова прыйшла на конкурс па арганізацыі рок-фэсту беларускай музыкі. Яе падала арганізацыя “Культурна-грамадская хуткая дапамога”.

Толькі адна прапанова прыйшла на конкурс па арганізацыі рок-фэсту беларускай музыкі. Яе падала арганізацыя “Культурна-грамадская хуткая дапамога”.

Калі міністар адміністрацыі згодзіцца на іх прапанову, “Дапамога” гарантуе правядзенне Басовішча. Дарэчы, з просьбай дапамагчы да “Дапамогі” звярнуліся самі арганізатары фэсту — БАС.

Калі чыноўнікі пагодзяцца, каардынатарам Басовішча мае стаць Роберт Матышэўскі, адзін з кіраўнікоў “дапамогі”. У найбліжэйшыя два тыдні будзе вядома, што вырашыць Міністэрства адміністрацыі ў справе "Басовішча". На ранейшых арганізатараў чыноўнікі не спадзяюцца, бо мелі праблемы са справаздачамі за папярэднія "БАСы", адзначае gazeta.pl.

"Дапамога" зазначае, што 90 тысяч злотых (каля 30 тысяч долараў), якія дае Міністэрства адміністрацыі, мала для такой імпрэзы. Але арганізацыя бярэцца знайсці ў спонсараў дадатковыя сродкі, так што агулам фэст правялі б за 140 тысяч злотых.

Еўрарадыё


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение