Хадайніцтва за вызваленне Алеся Бяляцкага падпісаў складальнік Усеагульнай дэкларацыі правоў чалавека

Стэфан Эсэль, адзіны жывы складальнік Усеагульнай дэкларацыі правоў чалавека, падпісаў хадайніцтва за вызваленне з-пад варты Алеся Бяляцкага.

Стэфан Эсэль, адзіны жывы складальнік Усеагульнай дэкларацыі правоў чалавека, падпісаў хадайніцтва за вызваленне з-пад варты Алеся Бяляцкага.

Эсэль дае пісьмовае паручыцельства ў тым, што Бяляцкі, знаходзячыся на волі, не схаваецца ад органаў крымінальнага пераследу і суда, не будзе перашкаджаць ходу расследавання крымінальнай справы і займацца злачыннай дзейнасцю, паведамляе праваабарончы сайт http://www.spring96.org. Стэфан Эсэль нарадзіўся ў 1917 годзе. Падчас Другой сусветнай вайны быў барацьбітом французскага і англійскага Руху супраціўлення, трапіў у канцлагер Бухенвальд, дзе яго павінны былі расстраляць, аднак пры дапамозе іншых зняволеных ён выжыў і змог збегчы. Адразу пасля вайны ён увайшоў у склад экспертаў ААН па складанні Усеагульнай дэкларацыі правоў чалавека, прынятай большасцю краін — удзельніц ААН у 1948 годзе. Падчас працы ў ААН Эсэль выступаў пасрэднікам ва ўрэгуляванні дэкаланізацыйных канфліктаў у розных краінах свету, шмат гадоў працаваў дыпламатам. Але адным з найважнейшых прыярытэтаў яго дзейнасці заўсёды заставалася абарона правоў і свабод людзей ва ўсім свеце. Нагадаем, віцэ-прэзідэнт Міжнароднай федэрацыі правоў чалавека, кіраўнік закрытага беларускімі ўладамі праваабарончага цэнтра "Вясна" Алесь Бяляцкі быў затрыманы ў Мінску вечарам 4 жніўня і ўзяты пад варту. Ён абвінавачваецца на падставе часткі 2 артыкула 243 Крымінальнага кодэкса (утойванне даходаў у асабліва буйным памеры). Праваабаронцу пагражае да сямі гадоў пазбаўлення волі. Арышт Бяляцкага выклікаў шырокі міжнародны рэзананс. Вызвалення праваабаронцы запатрабавалі кіраўніцтва Еўрасаюза, ЗША і іншых дзяржаў, праваабарончыя структуры, вядомыя грамадскія дзеячы і палітыкі.

Сяргей Пульша, БелаПАН

Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение