Усім удзельнікам Басовішча-2011 дадуць візы

Беларускае аб’яднанне студэнтаў завяршае перамовы з консульскімі аддзеламі Польшчы ў Мінску і Гродне аб магчымасці выдачы неабмежаванай колькасці візаў для ўсіх ахвотных наведаць фестываль “Басовішча 2011”, што пройдзе з 22 па 24 ліпеня ў Гарадку на Беласточчыне.
Беларускае аб’яднанне студэнтаў завяршае перамовы з консульскімі аддзеламі Польшчы ў Мінску і Гродне аб магчымасці выдачы неабмежаванай колькасці візаў для ўсіх ахвотных наведаць фестываль “Басовішча 2011”, што пройдзе з 22 па 24 ліпеня ў Гарадку на Беласточчыне.

Асноўнае пытанне, якое паўстае – гэта як дамагчыся таго, каб тыя, хто атрымаў візы, сапраўды прыехалі на “Басовішча”, а не скарысталіся з магчымасці атрымаць візу для іншых мэтаў, – кажа старшыня студэнцкага аб’яднання Кася Кузьміч:

– Раней мы планавалі, каб людзі загадзя аплочвалі кошт намётвага гарадка, кошт транспарту на фестываль. Цяпер вядома, што не трэба будзе ўносіць такой аплаты, але будзе затое аплата турыстычнай фірме за тое, што яны збяруць ад людзей пашпарты, будуць таксама запаўняць анкеты. Мы хочам пазбегнуць сітуацыі, калі нехта памыліцца ў гэтай анкеце і ўвесь працэс атрымання візы будзе такім чынам зацягвацца. Кошт гэтай паслугі будзе прыблізна 30-40 тыс. беларускіх рублёў.

Беларускае аб’яднанне студэнтаў пакуль не называе фірмы, у якія можна будзе звярнуцца для атрымання візаў для наведвання фестывалю “Басовішча 2011”. Пры гэтым Кася Кузьміч адзначыла, што больш поўная інфармацыя з’явіцца бліжэйшым часам на інтэрнэт-сайце фестывалю.

Зміцер Косцін, “Радыё Рацыя”


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение