Лявон Тарасэвіч атрымаў прафесарскую намінацыю

Лявон Тарасэвіч атрымаў з рук прэзідэнта Польшчы Браніслава Камароўскага прафесарскую намінацыю. Сусветна вядомы мастак беларускага паходжання, які жыве ў Валілах каля Гарадка, працуе ў Варшаўскай Акадэміі мастацтваў, якую ў свой час закончыў сам.

Лявон Тарасэвіч атрымаў з рук прэзідэнта Польшчы Браніслава Камароўскага прафесарскую намінацыю. Сусветна вядомы мастак беларускага паходжання, які жыве ў Валілах каля Гарадка, працуе ў Варшаўскай Акадэміі мастацтваў, якую ў свой час закончыў сам.

Цягам двух гадоў ён займаецца напрамкам «Медыі і Сцэнаграфія».

Як адзначае Лявон Тарасэвіч,  прыемна атрымаць званне прафесара, аднак ён не лічыць гэтую падзею незвычайнай:

- Праз доўгі час я выкладаў жывапіс, таму гэта не ёсць нечым адметным. Прыемна, што калі пачаў працаваць у аддзеле медыяў у Варшаве, то на працягу якіх двух гадоў гэтая прафесура стала рэальнасцю.

Адзначым, што 17 студзеня гэтага года «за выбітны ўнёсак у нацыянальную культуру Польшчы, за дасягненні ў галіне мастацкай творчасці і выкладчыцкай дзейнасці»  Лявон Тарасэвіч быў узнагароджаны Кавалерскім Крыжам Ордэна Адраджэння Польшчы.

Мастак стала падкрэслівае сваё беларускае паходжанне. Ён з'яўляецца таксама вядомым аматарам птушак, займаецца гадоўляй дэкаратыўных курэй.

Яна Запольская, "Радыё Рацыя"
Фота community.livejournal.com