У Берліне рыхтуюцца акцыі салідарнасці з Беларуссю

Каля беларускай амбасады ў Берліне ў дні судовых працэсаў над удзельнікамі плошчы будуць патрабаваць вызвалення арыштаваных палітыкаў. Акцыі намерана ладзіць моладзевае крыло Партыі ХДС/ХСС пасля сустрэчы са сваімі беларускімі калегамі.

Па словах адказнага сакратара аргкамітэту БХД Дзяніса Садоўскага, шэраг мерапрыемстваў адбудзецца таксама і ў самім цэнтры Берліну, іх мэта – салідарнасць з асуджанымі актывістамі і прыцягненне ўвагі да парушэння правоў у беларускіх турмах.

- Падчас майго візіту ў Берлін у нас была сустрэча з дэпутатам бундэстага, кітаўніком адной з маладзёвых арганізацый. Падчас гэтай сустрэчы прысутнічала кіраўніцтва гэтай маладзёвай арганізацыі. Запланавана, што яны пачнуць акцыі, прымеркаваныя да гэтых судоў. Будуць пікетаваць з партрэтамі палізвязняў каля беларускай амбасады ў Берліне, на цэнтральным пляцы Берліна і ў іншых гарадах Германіі.

Апроч вулічных акцый сябры моладзевага крыла ХДС/ХСС маюць намер распачаць шырокую інфармацыйную кампанію. Плануецца, што ў большасці вялікіх гарадоў Нямеччыны з’явяцца інфармацыйныя матэрыялы аб сітуацыі ў Беларусі, а таксама адрасамі службовых асобаў, ад якіх залежыць лёс затрыманых 19 снежня.

"Радыё Рацыя"


Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение