У Варшаве падвялі вынікі алімпіяды па беларускай мове

На кафедры беларусістыкі Варшаўскага універсітэта прайшло ўрачыстае падвядзенне вынікаў 16 выпуску Алімпіяды па  беларускай мове. Вучні з Бельска-Падляшскага, Гайнаўкі ды Беластока, якія сталі лаўрэатамі алімпіяды, атрымалі дыпломы і ўзнагароды.

На кафедры беларусістыкі Варшаўскага універсітэта прайшло ўрачыстае падвядзенне вынікаў 16 выпуску Алімпіяды па  беларускай мове.

Вучні з Бельска-Падляшскага, Гайнаўкі ды Беластока, якія сталі лаўрэатамі алімпіяды, атрымалі дыпломы і ўзнагароды. Першае месца ў сёлетняй алімпіядзе заваявала Паўліна Найман з бельскага белліцэя.

Паводле старшыні арганізацыйнага камітэта Алімпіяды па беларускай мове, прафесара Аляксандра Баршчэўскага, конкурс ад самога пачатку звязаны з Варшаўскім універсітэтам:

– Увесь час галоўным інспіратарам была і ёсць Кафедра беларускай філалогі ў Варшаўскім універсітэце. Кіруемся той жа ідэяй, што і ў самім пачатку – максімальна пашыраць у Польшчы веды па Беларусі, пашыраць таксама веды аб Польшчы ў Беларусі ды ўвогуле імкнуцца, каб адносіны паміж Польшчай і Беларуссю былі лепшымі, чым яны ёсць.

Сёлетняя алімпіяда па беларускай мове прысвячалася Васілю Быкаву. Па словах прафесара Баршчэўскага, чарговы выпуск будзе прысвечаны Уладзіміру Караткевічу.

"Радыё Рацыя", фота Міхася Сцепанюка

Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение