Беларуская моладзь з Беластока ўшанавала 5-ю гадавіну смерці Яцка Кураня

21 чэрвеня некалькі сотняў чалавек ушанавалі на Павонскіх могілках у Варшаве 5-ю гадавіну смерці Яцка Кураня. Сярод іх - прадстаўнікі беларускай і літоўскай меншасці ў Польшчы.  
 

 “Маем 5-ю гадвіну смерці Яцка. Штогод студэнты ў Тэрэмісках арганізоўваюць такія сустрэчы ля магілы Яцка на Павонсках. І як Яцэк любіў - спяваем на ўсіх мовах, якія ведаем, па-польску, па-беларуску, па-украінску і іншых. І ўспамінаем яго. Запальваем свечкі, - гаворыць жонка Яцка Кураня Данута.

У гэтым годзе дзякуючы моладзі з Беластока на магіле Яцка Кораня прагучалі спевы і па-беларуску.

Як кожны год пры магіле мужа,  Данута Курань расказвала  што здарылася цягам году. ”Хочам такім чынам перадаць Яцку,  што імкнемся выконваць ягоны запавет, змешчаны ў кнізе “Рэчыпаспаліта маіх унукаў”, менавіта таму спяваем на розных мовах і молімся паводле розных традыцыяў," - сказала спадарыня Данута. У гэтым годзе ўпакойную малітву на магіле Яцка Кураня адслужыў будыйскі манах.Яцэк Курань адзін з найболей вядомых актывістаў антыкамуністычнай апазіцыі ў ПНР з 60-ых гадоў. Быў сузаснавальнікам Камітэта Абароны Рабочых, неаднаразова быў арыштаваны і інтэрнаваны,  агулам ў турмах адсядзеў 10 гадоў як палітвязень. У 1989 годзе ўдзельнічаў ў перамовах “Круглага стала”,  які стаў паваротным момантам у польскай "перастройцы". Пасля 89 года быў дэпутатам у Сойме, міністрам працы і сацыяльнай абароны ва ўрадзе Ганны Сухоцкай, быў адным з лідэраў Дэмакратычнай партыі.  Яцэк Курань быў таксама аўтарам закону аб нацыянальных меншасцях у Польшчы. Заўсёды стаяў на баку пакрыўджаных і неабароненых. Ягоныя сябры ўзгадваюць яго як вечнага змагара.Паводле “Радыё Рацыя”

Текст сообщения*
Загрузить файл или картинкуПеретащить с помощью Drag'n'drop
Перетащите файлы
Ничего не найдено
Отправить Отменить
Защита от автоматических сообщений
Загрузить изображение