Грамадская культурніцкая кампанія “Будзьма беларусамі!” і інтэрнэт-тэлебачанне TUT.BY – TB зладзілі ток-шоў “СМІ і культура: Якой мусіць быць культурніцкая журналістыка?”.
Грамадская культурніцкая кампанія “Будзьма беларусамі!” і інтэрнэт-тэлебачанне TUT.BY – TB зладзілі ток-шоў “СМІ і культура: Якой мусіць быць культурніцкая журналістыка?”.
У Беларусі актыўна з’яўляюцца нішавыя выданні, новамедыйныя фарматы, якія дазваляюць зачапіць моладзевую аўдыторыю. Камерныя культурніцкія мерапрыемствы карыстаюцца папулярнасцю: імі поўняцца раздзелы афіш на кожным СМІ-сайце і адмысловыя старонкі у сацсетках. Не гледзячы на гэта на шырокай інфармацыйнай прасторы па-ранейшаму дамінуюць прадстаўнікі расейскага і заходняга шоўбізу, а ў свядомасці шэраговых беларусаў усё яшчэ існуюць ярлыкі аб “правінцыйнасці” сучаснай беларускай культуры.
Ці здольная культурніцкая журналістыка палепшыць нашае жыццё і свае пазіцыі ў медыя разважалі:
Віктар Марціновіч – намеснік рэдактара “БелГазеты”, журналіст, калумніст, выкладчык гісторыі мастацтва ў ЭГУ, пісьменнік. Таццяна Заміроўская – журналістка, пісьменніца, музычны крытык (“БелГазета”, “Большой”, калісьці – “Музычная газета”), вядомая сваім індывідуальным стылем. Алег Хаменка – музыка, лідэр гурта “Палац”, культрэгер. Міхал Анемпадыстаў – дызайнер, графік, фатограф,”рок- паэт”, перакладчык і публіцыст. Алесь Плотка – PR-мэнэджар кампаніі “Будзьма беларусамі!”, паэт, мэнэджар культурніцкіх праектаў.
Мадэратар: Ірына Віданава (citidog.by). Удзел бяруць актыўныя прадстаўнікі культурніцкага жыцця Беларусі.
