На платнае аддзяленне Акадэміі МУС можна паступаць толькі на факультэт права, і толькі на завочнае. За суму ў эквіваленце $496 з маладога чалавека зробяць юрыста са спецыялізацыяй у «Судова-пракурорска-следчай дзейнасці». Сёлета набраць на платнае навучанне плануецца ажно 250 чалавек.

Зрэшты, каб паступіць на бясплатнае ў Акадэмію МУС, лоб на сямі пядзях не спатрэбіцца. Напрыклад, за дзень да сканчэння прыёму заявак найлепшыя балы ў абітурыентаў завочнага не перавышалі лічбу ў 200. То бок пры сярэднім бале атэстату ў 6 школьнік для найлепшага выніку сярод паступаючых мусіў набраць па тэстах недзе 44 балы. Але ў большасці абітурыентаў Акадэміі МУС вынікі нашмат горшыя.

На адну з самых папулярных спецыяльнасцяў Акадэміі Крымінальна-выканаўчага факультэту дакладна пройдуць студэнты, якія па тэстах атрымалі тройкі і двойкі: прахадны бал будзе, гледзячы па ўсім, у раёне 140 балаў. Тое ж і з факультэтам Міліцыі, самым масавым у Акадэміі.

Аднак конкурс на некаторыя спецыяльнасьці Акадэміі складае каля 3 чалавек на месца.

generation.by