Мiжнароднае грамадскае аб'яднанне

«Сярожа» Юрыя Каліны атрымаў прэмію Асацыяцыі польскіх журналістаў

Sorry, you need to install flash to see this content.

Дакументальны фільм «Белсату», які зняў Юрый Каліна, атрымаў узнагароду Асацыяцыі польскіх журналістаў у катэгорыі «за публікацыю на тэму сучаснай цывілізацыі і культуры, а таксама распаўсюджванне ведаў».

Фільм распавядае пра жыццё Cяргея Нічыпарука, які прайшоў шлях ад актывіста ідэалагічнай камуністычнай салідарнасці да слухача праваслаўнай семінарыі, каб стаць напрыканцы паспяховым бізнесоўцам.

Жыццё героя адзначана траўмай – родная вёска Заляшаны была спаленая ў 1946 годзе філіялам аварыйна-выратавальных работ NSZ, якім камандаваў капітан Рамуальд Раіс «Буры». Падчас гэтай акцыі частка сямʼі Нічыпарука загінула.

У гэтым сэнсе ягоная біяграфія – адлюстраванне лёсу цэлай беларускай праваслаўнай меншасці, якая жыве ва ўсходняй частцы Падляскага ваяводства. Продкі Сяргея паходзілі з невялікай беднай вёскі, стагоддзямі працавалі на раллі, маліліся ў праваслаўнай царкве, са страхам у вачах прымалі кожную змену ўлады, але ў той жа час намагаліся спадабацца новым уладам і прыстасавацца да новых варункаў.

Цяпер герой фільму Сяргей Нічыпарук жыве ў вёсцы Буды ў Белавежскай пушчы.

Раней стужка «Сярожа» ужо была адзначана на кінафестывалях у Кіеве, Днепрапятроўску (Украіна), Маскве і Обнінску (Расея).

 

Дапісаць новы камэнтар

Image CAPTCHA
Калі ласка, увядзіце сімвалы, якія паказаны на малюнку.