Актывісты беларускай дыяспары ў Празе адзначылі Дзень Волі ўскладаньнем кветак да магілаў прэзыдэнтаў Рады Беларускай Народнай Рэспублікі і канцэртам клясычнай музыкі. Акрамя гэтага, адбыўся канцэрт дудара Яўгена Барышнікава і вечарына «Беларускае піва».​

25 сакавіка праскія беларусы ўсклалі акцыі ўсклалі вянкі і кветкі на магілы прэзыдэнтаў Рады БНР Пятра Крэчэўскага і Васіля Захаркі, запалілі сьвечкі. Айцец Андрэй Абламейка правёў традыцыйную паніхіду.

Увечары 26 сакавіка ў вінарні Alta у цэнтры Прагі адбыўся канцэрт беларускага піяніста Vital Stahievitch. Адмыслова з нагоды Дня Волі ён прыляцеў у Прагу з Амстэрдаму, дзе цяпер жыве і працуе. Ён выканаў творы Л. ван Бэтховена, Ф. Мэндэльсона-Бартольдзі і Ф. Ліста.