Мiжнароднае грамадскае аб'яднанне

Навіны ЗБС "Бацькаўшчына"

20.01.2017 - 13:43

Гістарычна склалася так, што сёння Расія бліжэй да Беларусі за якую іншую краіну. Шчыльныя на мяжы з небяспекай эканамічныя зносіны, празрыстая дзяржаўная мяжа, панаванне расійскіх сродкаў масавай інфармацыі, рускай мовы і насычанасць беларускай культурнай прасторы артэфактамі расійскай культуры збольшага ўспрымаецца як натуральны стан рэчаў. У такіх варунках ужо адзіны факт наяўнасці арганізацый беларускай дыяспары ў Маскве сяму-таму (што па той бок мяжы, што на Радзіме) можа падацца экзотыкай. Выглядае, што мы ведаем пра Расію не так шмат, як нам самім падаецца. І яшчэ меней ведаем пра тое, якой Беларусь бачаць расіяне.

Прапануем да вашай увагі гутарку з сябрам Рады БНР, публіцыстам і кансультантам па міжнародных камунікацыях Алесем Чайчыцам, які нарадзіўся і жыве ў Маскве, і добра абазнаны ў праблемах і перспектывах беларускіх арганізацый сталіцы Расіі.

19.01.2017 - 17:28

Яшчэ ў канцы мінулага году амаль увесь наклад папулярнага каляндара з серыі “Не маўчы па-беларуску!” на 2017 год быў раскуплены чытачамі, у кнігарнях засталіся толькі лічаныя асобнікі.

19.01.2017 - 17:24

Грамадская культурніцкая кампанія “Будзьма беларусамі!” (ініцыятарам і каардынатарам якой з’яўляецца ЗБС “Бацькаўшчына”)  і Школа маладых менеджараў публічнага адміністравання SYMPA абвяшчаюць конкурс праектных ідэй, скіраваных на спрыянне мясцоваму і рэгіянальнаму развіццю па ўсёй Беларусі.

19.01.2017 - 17:19

У яе сэрцы — Парыж, у галаве — вецер, на целе — татуіроўкі. Гэта яна зрабіла падвеску “КАХАНАЯ”, чым увагнала ў мілату ўсю жаночую палову беларускамоўнай аўдыторыі Instagram. Дзяўчына-ювелір, якая не носіць упрыгожанняў, бунтарка і багаслоў Арына Гундэр распавядае пра тонкасці ювелірнай справы, ідэальных замоўцаў і сваю працу з буйнымі ювелірнымі дамамі Еўропы ў праекце “Ёсць Маладосць!“.

19.01.2017 - 17:05

Cябры!

Інтэрнэт-кнігарня KNIHI.BY разам з кампаніяй “Будзьма” (ініцыятарам і каардынатарам якой з’яўляецца ЗБС “Бацькаўшчына”), Саюзам беларускіх пісьменнікаў і выдавецтвам “Кнігазбор” абвяшчае акцыю!

З 19.01.2017 да 29.01.2017 замоўце дзіцячых кніжак і/ці паштовак выдавецтва “Кнігазбор” на 20 рублёў і атрымайце ў падарунак другі нумар дзіцячага альманаху “Гарбузік. Цуды свету”.

04.01.2017 - 16:39

4 студзеня 60-гадовы юбілей святкуе сябра Вялікай Рады МГА «ЗБС “Бацькаўшчына”» Алеся Кіпель (ЗША).

Ад усёй душы віншуем спадарыню Алесю з юбілеем і зычым ёй моцнага здароўя, творчага натхнення і імпэту, плёну ў працы!

04.01.2017 - 16:24

Яна нарадзілася ў Нью-Джэрсі 4 студзеня 1957 года. Дачка Вітаўта і Зоры Кіпеляў, чые імёны непарыўна звязаныя з Беларускім інстытутам навукі і мастацтва і наўпрост асацыююцца з інтэлектуальным даробкам беларускай эміграцыі ў ЗША. Двое яе дзядоў прайшлі праз рэпрэсіі і выжылі: журналіст і пісьменнік Лявон Савёнак, аўтар непаўторнага “Дзённіка Ів. Ів. Чужанінава”, ды грамадскі дзеяч Яўхім Кіпель, пра поўнае драматызму жыццё якога можна даведацца з ягоных ўспамінаў “Эпізоды”. Яе бабулі Марыя Кіпель і Апалонія Савёнак былі прафесійнымі настаўніцамі. Апалонія працавала з жонкаю Янкі Купалы, была аўтаркай “Беларускага лемантара”. Уся гэтая спадчыннасць адыграла важную ролю ў жыцці паспяховай жанчыны-адваката, цяпер супрацоўніцы Міністэрства ўнутраных спраў ЗША, актыўнай дзяячкі Вашынгтонскага аддзелу Беларуска-Амерыканскага Задзіночання Алесі Кіпель.

01.01.2017 - 00:01

1 студзеня Дзень народзінаў святкуе Старшыня Рады Згуртавання беларусаў свету „Бацькаўшчына“ Ніна Шыдлоўская.

26.12.2016 - 16:25

Дарагія сябры!

Віншуем вас з Калядамі і Новым годам!

Мы разам ужо больш за чвэрць стагоддзя, і спадзяемся, што ў наступным годзе сувязь паміж намі яшчэ больш умацуецца!

Хай наступны год стане годам, у якім здзейсняцца ўсе вашыя планы, а добры настрой зробіцца неадлучным спадарожнікам у вандроўцы па ягоных святах ды штодзённасці!

26.12.2016 - 13:38

22 снежня 2016 года намеснік старшыні Вялікай Рады Згуртавання беларусаў свету “Бацькаўшчына” Валеры Герасімаў паведаміў, што кіраўніцтва Прэзідэнцкай бібліятэкі Рэспублікі Беларусь, якой ён прысвяціў сорак гадоў свайго жыцця – увесь працоўны стаж, – не падоўжыла з ім працоўны кантракт на наступны год.