Мiжнароднае грамадскае аб'яднанне

Навіны беларускага замежжа

06.04.2017 - 16:19

Згуртаванне беларусаў свету “Бацькаўшчына” сардэчна віншуе шаноўнага Барыса Уладзіміравіча! Зычым яму добрага здароўя, бадзёрасці, аптымізму, добрага настрою і яшчэ шмат радасных дзён!

Адзін з самых знакамітых нашых землякоў Барыс Уладзіміравіч Кіт жыве цяпер у Франкфурце-на-Майне ў доме састарэлых. Прыкладна год таму, калі яму спаўнялася 106, беларуска Раіса Унукава, якая жыве ў Бельгіі, прачытала пра яго ў прэсе. Знайшла ягоны тэлефон і павіншавала славутага суайчынніка з днём нараджэння. З таго часу яны стэлефаноўваюцца некалькі разоў на тыдзень. Раіса Унукава распавяла “Народнай Волі” пра свае дыялогі з Барысам Кітам.

06.04.2017 - 15:20

2 красавіка прадстаўнікі чатырох грамадскіх аб’яднанняў беларусаў Малдовы (Таварыства беларускай культуры горада Бендеры, Беларускі культурны рух Малдовы, Таварыства дружбы і супрацоўніцтва «Малдова–Беларусь» і Асацыяцыя беларусаў муніцыпія Кішынёў «Беларусь») правялі на беразе Днястра старажытны беларускі абрад «Гуканне Вясны» – «гуканне » за межамі Кішынёва, якое сімвалічна паяднала беларусаў з усіх берагоў Днястра.

06.04.2017 - 13:21

4 красавіка ў офісе Нямецкага фонду Маршала прайшла канфэрэнцыя, прымеркаваная да 25-годзьдзя ўсталяваньня дыпляматычных дачыненьняў паміж ЗША і Беларусьсю.

05.04.2017 - 14:38

Кожны з удзельнікаў дэклямаваў адзін верш на беларускай мове.

05.04.2017 - 14:22

30 сакавіка падчас паседжання Сената Еўрапейскага гуманітарнага ўніверсітэта была адзінагалосна прынята заява з нагоды нядаўніх падзей у Беларусі. Тэкст заявы знаходзіцца ніжэй.

05.04.2017 - 14:15

У Мадрыдзе на базе вучэбнага моўнага цэнтра "Лінгваландыя" арганізаваны курсы вывучэння сучаснай беларускай мовы для прадстаўнікоў беларускай дыяспары і іспанскіх грамадзян, паведамілі БЕЛТА ў пасольстве Беларусі ў Іспаніі. Ідэя арганізацыі курсаў належыць грамадзянцы Беларусі, кіраўніку цэнтра "Лінгваландыя", члену Кансультатыўнага савета па справах беларусаў замежжа Святлане Яськовай.

05.04.2017 - 13:43

53-гадовы мужчына ехаў у тым самым вагоне піцерскага метро, які, як мяркуецца, 3 красавіка падарваў тэрарыст. На шчасце, беларус не атрымаў раненняў, якія б паставілі яго на мяжу жыцця і смерці. Юрый быў паранены асколкамі, а пасля выбуху сам выйшаў на паверхню. У той жа дзень яго прааперавалі, — піша «Комсомольская правда».

04.04.2017 - 14:34

Адну са сваіх кніг Яўген Еўтушэнка назваў «Беларуская крывінка». Пра тое, што зьвязвала знакамітага расейскага зь Беларусьсю, мы пагутарылі з паэтам Уладзімерам Някляевым.

03.04.2017 - 17:08

Дарагія чытачы!

Рэдакцыя часопіса шчыра віншуе Вас з Днём Волі – 2017. Святкаваньне ў гэтым годзе прайшло ў Беларусі ў вельмі неспрыяльных умовах. Дзяржава ўключыла рэпрэсіўны апарат, каб задушыць свабоднае выказваньне думак, прынізіць годнасьць беларусаў, якія змагаюцца за ўсталяваньне ў краіне дэмакратыі і за ўтварэньне ўмоў для будаўніцтва беларускай нацыі. Мы зычым свабоду нашым людзям і нашай краіне. Жыве Беларусь!

03.04.2017 - 16:37

Некалькі дзясяткаў беларусаў з розных гарадоў Злучаных Штатаў Амерыкі 2 красавіка правялі пікет каля Белага дома ў Вашынгтоне, каб выказаць пратэст супраць новай хвалі рэпрэсій у Беларусі і прыцягнуць увагу амерыканскіх уладаў да пагаршэння сітуацыі з правамі чалавека на сваёй гістарычнай радзіме.