Мiжнароднае грамадскае аб'яднанне

Навіны беларускага замежжа

11.05.2017 - 15:08

Да 450-х угодкаў выдання Скарынам першай кнігі беларускія эмігранты на Захадзе рыхтаваліся адмыслова. Так, 17 верасня 1967 г. у Таронта высілкамі Згуртавання беларусаў Канады была адкрытая невялікая выстава, што аб’яднала дзве нагоды: угодкі беларускага друку ды 100-годдзе Канады. Тут былі прадстаўленыя больш за 60 экспанатаў: фатаграфіяў, рэпрадукцыяў, дрэварытаў, старадрукаў. У тым самым годзе ў Манрэалі на выстаўцы ЭКСПО-67, у павільёне СССР, былі выстаўленыя два выданні Францыска Скарыны, што паходзілі з бібліятэкі колішняга Супрасльскага манастыра. Угодкі беларускага друку адзначаліся суродзічамі таксама ў амерыканскім Чыкага і аўстралійскім Сіднэі.

11.05.2017 - 15:07

На адной з пляцовак сьпеўнага конкурсу «Эўравізія-2017» у Кіеве адбылося травесьці-шоў, у якім узяў удзел беларус, вядомы ў Менску працай на радыё ды тэлебачаньні журналіст Эдвард Тарлецкі. Сваё мінулае цяпер ён называе рэпартэрствам і не шкадуе, што кардынальна зьмяніў сваё жыцьцё.

11.05.2017 - 15:05

У ноч перад забойствам журналіста Паўла Шарамета 20 ліпеня каля яго дома знаходзіўся чалавек па імені Ігар Усціменка, які быў у мінулым супрацоўнікам Службы бяспекі Украіны. Пра гэта гаворыцца ў фільме-расследаванні Цэнтра па даследаванні карупцыі і арганізаванай злачыннасці (OCCRP) і рэдакцыі расследаванняў «Громадське» «Слідство.Інфо».

01.05.2017 - 13:09

Цяперашні свет — гэта вялікая “глабальная вёска”, розныя часткі якой усё шчыльней звязаныя паміж сабой.

Людзі ўсё болей пераязджаюць з краіны ў краіну, але характар міграцыі таксама змяніўся: дзякуючы новым камунікацыйным тэхналогіям чалавек можа пачувацца як дома ў любым месцы свету, дзе ёсць інтэрнэт. Пераезд у іншую краіну перастаў азначаць разрыў з радзімай: можна жыць за тысячу кіламетраў ад роднага горада, але быць у курсе мясцовых навінаў не нашмат горш, чым тыя, хто там застаўся жыць.

Больш за тое, камунікацыйныя і інфармацыйныя тэхналогіі робяць магчымым для краінаў узнавіць кантакты і пачаць працаваць са старой эміграцыяй і яе нашчадкамі — з людзьмі, што захавалі хаця б намінальную памяць пра месца свайго паходжання.

28.04.2017 - 13:26

30 красавіка заканчваецца тэрмін падачы дырэктару школы заявы аб вывучэнні дзіцём-школьнікам беларускай мовы.

28.04.2017 - 13:04

Міністэрства замежных спраў Польшчы працягне фінансавую падтрымку тэлеканала "Белсат", але ў меншых аб`ёмах, паведаміў кіраўнік польскага МЗС Вітальд Вашчыкоўскі ў інтэрв`ю газеце Rzeczpospolita.

"Я не маю нічога агульнага з "Белсатам", акрамя таго што я адзін з іх донараў, — сказаў ён. — Мы будзем працягваць падтрымку. Яна будзе меншай, але дастатковай для таго, каб выжыць".

27.04.2017 - 17:08

Сёння ў межах дыскусійнага клуба “АБ-БЫ” пройдзе сустрэча, прысвечаная “Гісторыі беларусаў Падляшша” аўтарства беларускіх гісторыкаў з Беласточчыны, з удзелам прафесара Алега Латышонка і гісторыка Славаміра Іванюка. Дыскусійныя клубы нязменна праходзяць з удзелам Міколы Ваўранюка як мадэратара сустрэч.

27.04.2017 - 16:55

26 красавіка перад будынкам штаб-кватэры Аб’яднаных Нацыяў на Мангэтане ў Нью-Ёрку прайшоў мітынг, прысьвечаны 31-й гадавіне Чарнобыльскай катастрофы.

27.04.2017 - 16:48

Трыо "Ластаўкі" ў складзе Таццяны Піменавай, Наталлі Зубковай і Веры Талерка (беларускае таварыства "Уздым", Даўгаўпілс) выконвае песню "Дзічка" (музыка Міколы Яцкова, словы Станіслава Валодзькі). Да песні ёсць мінусоўка.

27.04.2017 - 13:50

Старшыня Кансэрватыўна-хрысьціянскай партыі БНФ Зянон Пазьняк апублікаваў на сайце «Беларуская салідарнасьць» створаную пад ягоным кіраўніцтвам праграму «Вольная Беларусь». Паводле яго, праграма закранае ўсе аспэкты дзяржаўнага жыцьця: палітыку, эканоміку, культуру, адукацыю, войска, сыстэму аховы здароў’я.