Мiжнароднае грамадскае аб'яднанне

Навіны беларускага замежжа

26.05.2017 - 16:00

100-годзьдзе з дня сьмерці Максіма Багдановіча адзначылі мітынгам-рэквіемам у Ялце 25 траўня. На магіле паэта сабралася каля паўсотні чалавек.

24.05.2017 - 17:19

Трыо з Ахрэмаўцаў Браслаўскага раёна ў складзе Ванды Сіротка, Валянціны Кука і Леаніда Лаўрыновіча выконвае песню "Дранікі" (музыка Альберта Белуся, словы Станіслава Валодзькі). Да песні ёсць мінусоўка.

23.05.2017 - 17:36

Даследчык, бібліёграф, беларускі грамадскі дзеяч у ЗША Вітаўт Кіпель нарадзіўся 30 мая 1927 г. у Мінску. Яго бацька Яўхім Кіпель, былы вайсковец, працаваў у Інбелкульце, а маці Марыя Зубкоўская была настаўніцай. У 1930 г. бацька быў арыштаваны па справе Саюза вызвалення Беларусі і высланы на пяць гадоў у Вяцкую вобласць. У1933 г. следам за мужам паехала і Марыя з сынам Вітаўтам. Толькі ў 1942 г. сям’я змагла вярнуцца ў Мінск, а праз два гады назаўсёды пакінула Бацькаўшчыну.

23.05.2017 - 16:48

Як прывабіць турыстаў у Мінск? Марыя Чаракова і яе каманда мяркуюць, што трэба сакавіта распавесці пра горад унікальнай эклектыкі, дзе кожны раён мае свой асаблівы дух. За некалькі месяцаў да таго, як урад дазволіў замежнікам пяцідзённы бязвізавы ўезд для падарожжа па Беларусі, група энтузіястак і прыхільніц Мінску вырашылі напісаць унікальны англамоўны гід-дапаможнік для замежнікаў «Minsk in Socks». З гэтым дапаможнікам кожнаму турысту будзе ўтульна, зручна і спакойна, як любаму ўнучку ці ўнучцы ў звязаных бабуляй шкарпэтках. Частка кнігі ўжо напісана і адмалявана, але для заканчэння працы спатрэбяцца дадатковыя сродкі. Таму дзяўчаты запусцілі краўдфандынгавую кампанію на міжнароднай платформе kickstarter.соm.

16.05.2017 - 18:00

Ізраільскі журналіст, ураджэнец Беларусі Барыс Штэрн называе сябе беларускім нацыяналістам, лічыць, што віна за моўны правал у Беларусі ляжыць і на яго пакаленьні, згадвае пра праявы антысэмітызму ў БССР і Беларусі і раіць, як можна абараніцца ад іх.

16.05.2017 - 17:41

У Ташкенце на фасад дома № 88 па вуліцы Мустакілік (былая Пушкінская) вернута мэмарыяльная дошка з надпісам: «У гэтым доме ў 1941-1943 гадах жыў і працаваў клясык беларускай літаратуры, народны паэт БССР Якуб Колас (Канстанцін Міхайлавіч Міцкевіч)».

16.05.2017 - 14:14

У Беластоку мясцовая моладзь паспрабавала заснаваць беларускі тэатральны кааператыў «Полымя». Але не так усё проста ў іх складвалася. Напрыклад, Ганна Абуховіч была пакарана штрафам 200 злотых за арганізаванае таварыства без адпаведнага паведамлення адміністрацыйным уладам.

16.05.2017 - 13:54

Чараўніком слова ў нас зазвычай завуць Рыгора Барадуліна. Сапраўды, такое паэтычнае прадзіва, як ён, мала хто мог стварыць. Аднак ёсць яшчэ адзін вялікі гукапісец, здольны са звыклых слоў выкрасіць жывы агонь. Гэта Сяргей Панізьнік, які толькі-толькі адзначыў 70-годдзе. Сугучна пяцісотгоднасці, якую мы сёлета святкуем, можна сказаць, што Сяргей Сцяпанавіч адзначыў сямідзесяцігоднасць.

16.05.2017 - 13:33

У менскай галерэі TUT.BY прэзэнтавалі кнігу ўспамінаў «Адысэя палешука». Рэдактар выданьня, якое выйшла ў выдавецтве «Альфа-кніга», — спэцыяліст у галіне вайсковай гісторыі, кандыдат гістарычных навук Ігар Мельнікаў.

15.05.2017 - 16:05

У Бельску Падляшскім прайшоў цэнтральны этап 44-га конкурсу “Беларуская песня” для дзіцячых садкоў, пачатковых школ і гімназій.