За апазыцыйныя погляды выпускніка ліцэя пазбавілі чырвонага дыплёму

Актывіста “Маладога Фронту” Зміцера Сакалова, лепшага выпускніка Полацкага ліцэя, пазбавілі чырвонага дыплома з-за палітычных перакананняў.

Пасля суду за акцыю з расцяжкай "Свабоду палітвязням!" на галоўнай плошчы горада, Полацкі ліцэй наведалі супрацоўнікі КДБ, паведамляе прэс-служба МФ.

"Прадстаўнікі КДБ размаўлялі пра мяне з намеснікам дырэктара па выхаваўчай працы Бараноўскай Святланай Аляксандраўнай. Яны хацелі атрымаць агульную характарыстыку, цікавіліся маімі паводзінамі, паспяховасьцю ў вучобе, палітычнымі перакананнямі, пасля чаго намесніка дырэктара папракалі ў тым, што яна няправільна выхоўвае моладзь" – кажа Зміцер.

Зміцер Сакалоў з’яўляецца лепшым у групе па вучобе і да візыта прадстаўнікоў КДБ быў адзіным прытэндэнтам на чырвоны дыплём. Аднак пасля гэтага візіту педагагічны калектыў вырашыў не ісці на канфлікт са спецслужбамі і пазбавіў выпускніка чырвонага дыплома. Разам з тым выкладчыкі параілі вучню нікуды не "ўмешвацца " да заканчэння ліцэя.

Паводле “Хартыя-97”