У Беларусі прынята канчатковае рашэнне аб пераходзе на 11-гадовую школу

Такiя вынiкi нарады ў Прэзiдэнта краiны Аляксандра Лукашэнкi па пытаннях развiцця агульнай сярэдняй адукацыi. Аб гэтым паведамiў журналiстам першы намеснiк кiраўнiка Адмiнiстрацыi Прэзiдэнта Беларусi Анатоль Рубiнаў.

Паводле яго слоў, пераход да 11-гадовай агульнай сярэдняй адукацыi добра распланаваны i не прывядзе да ўзрушэнняў. "Усё лепшае, што напрацавана ў школе, захаваецца. Прынцыпы змяненняў, якiя прапануецца замацаваць дэкрэтам, у тым, каб не ўводзiць новаўвядзеннi, прызнаныя немэтазгоднымi, але пры гэтым не адмаўляцца ад напрацаванага, каб не рабiць ломкi ў школе", — сказаў Анатоль Рубiнаў.

Задача сённяшняй школы — палепшыць якасць адукацыi не за кошт перагрузкi вучняў, павелiчэння колькасцi гадзiн i вучэбных гадоў, а за кошт паляпшэння якасцi падручнiкаў, выкладчыцкага працэсу, падкрэслiў ён. Занепакоенасць, што выказваецца ў грамадстве наконт двайнога выпуску вучняў у наступным годзе, Анатоль Рубiнаў назваў неапраўданай. Паводле яго слоў, старшакласнiкi, якiя павiнны былi стаць апошнiм выпускам 11-годкi i першым выпускам 12-годкi, з’яўляюцца аднагодкамi. Адбылося гэта з-за таго, што ў 1998 годзе дзяцей прымалi ў школу як у падрыхтоўчы клас з 6 гадоў (на 12-гадовы тэрмiн), так i ў першы клас з 7 гадоў (на 11-гадовы тэрмiн).

У час нарады Прэзiдэнт падкрэслiў, што неабходна звярнуць увагу на сiстэму цэнтралiзаванага тэсцiравання. Заданнi для тэстаў не павiнны быць вельмi складаныя, а арыентаваныя на ўзровень звычайнай сярэдняй школы. Існуе праблема i з падрыхтоўкай падручнiкаў, якiя неабходна зрабiць зразумелымi i даступнымi дзецям. Анатоль Рубiнаў падкрэслiў таксама, што "галоўная задача школы падрыхтаваць не проста спецыялiста, а паўнацэннага грамадзянiна, гатовага ўступiць у жыццё i далей набываць неабходныя веды".

Прэс-служба Прэзiдэнта Рэспублiкi Беларусь.