“Рэч Паспалітая многіх культур”

Мультымэдыйная выстава “Рэч Паспалітая многіх культур ” адчынілася ў Нацыянальнай бібліятэцы Беларусі.

Гэтая выстава – вынік супрацоўніцтва Нацыянальнага архіву Беларусі ды Польскага інстытута ў Менску.

“Унікальнасьць праекту ў тым, што ўсе экспанаты прадстаўленыя ў электронным выглядзе”, - гаворыць каардынатар праекту Аляксей Мацюшонак.

На выставе прадстаўлена 10 кароткамэтражных дакумэнтальных фільмаў. Два зь іх расказваюць пра гісторыю Польшчы й Нацыянальнай бібліятэкі. Астатнія прысьвечаныя народным традыцыям.

Загадчык галерэйна-выставачнага аддзелу Нацыянальнай бібліятэкі Беларусі Фёдар Ястраб.

Ястраб: Ідэя выставы зьявілася даўно. Здаецца, гэта простая выстава, бо яна са скарбаў Нацыянальнай бібліятэкі ў Варшаве. Так, тэхналягічна гэта ня вельмі складана. Але праграмны прадукт вельмі складаны. Мультымэдыйныя сталы зрабіць нескладана. Яны простай канструкцыі. Але гэта ня проста выстава, калі ўзялі нештай павесілі на сьцяну. Мультымэдыйныя стойкі з экранам, з навушнікамі. Можна падысьці, уключыць, пачытаць, пакалупацца ў віртуальным сховішчы, знайсьці дакумэнт, праслухаць запіс. Ёсьць яшчэ вялікі экран. Гэтая выстава павінная зацікавіць ня толькі навукоўцаў, але й моладзь. Зборы Нацыянальнай бібліятэкі ў Варшаве вельмі багатыя, адбіралася для выставы лепшае. Форма выставы нетрадыцыйная, бо немагчыма гэтыя экспанаты традыцыйным чынам паказаць.

Выстава “Рэч Паспалітая многіх культур” у Нацыянальнай бібіліятэцы Беларусі дазволіць наведвальнікам пазнаёміцца з каштоўнымі рукапісамі, мапамі, рэдкімі дакумэнтамі з фондаў Нацыянальнай бібіліятэкі ў Варшаве.

Паводле “Польскага радыё для замежжа”