Сіўчыка затрымалі і павезлі судзіць у Старыя Дарогі

А палове на першую дня, 23 красавіка каля суду Маскоўскага раёну Мінску затрымалі Вячаслава Сіўчыка.

Як стала вядома, яго павезлі ў Старыя Дарогі, дзе маюць судзіць за несанкцыянаванае ўсталяванне памятнага крыжа ў вёсцы Дражна.

Цырымонія ўсталявання крыжа прайшла ў Дражне 19 красавіка. Гэтак была ўшанавая памяць пра мірных жыхароў, знішчаных партызанамі 15 красавіка 1943 году. Шасціканечны крыж святой Еўфрасінні Полацкай, нябеснай заступніцы Беларусі, быў усталяваны побач з каталіцкімі могілкамі вёскі, частка якой была спалена, а многія жыхары — забітыя або спаленыя партызанамі ў сваіх дамах.

Паводле “Нашай Нівы”